Музична школа ,,Исидор Баїч''

Музична школа Исидор Баїч


Музична школа Исидор Баїч

Тип	Образовна институция
Адреса	Булевар Цара Лазара 67, Нови Сад
Держава	Сербия
Директор	Мр Радмила Ракин Мартинович
Веб–сайт	Урядови веб–сайт

Музична школа Исидор Баїч то штредня музична школа хтора ше находзи у Новим Садзе, главним варошу сербскей покраїни Войводини.^[1] У истим будинку у рамикох дїялносци школи иснує и основна музична школа. Адреса школи: Булевар цара Лазара 67. Школа основана 1. септембра 1909.^[2] То єдна зоз 15 штреднїх школох у Новим Садзе. Снователь школи бул Исидор Баїч (по походзеню зоз Кули), познати сербски композитор, и видаватель. Вон бул перши директор школи, тиж бул професор теориї музики, и по нїм тота школа достала мено.^[3]

Школяре тей школи посцигли и посцигую вельочислени успихи на музичних змаганьох у Сербиї и иножемстве, просеково 100 награди рочнє. Министерство просвити Републики Сербиї и Културне просвитне дружтво Сербиї 1999. року тей школи, за винїмково педаґоґийни досяги, додзелєли награду Вук Стефанович Караджич.

Нови школски будинок

Под час руководителя школи, директорки Радмили Ракин Мартинович, музична школа ше конєчно преселєла зоз старого будинку (хтори бул дочасова локация) у Нєґошевей улїци у центру города, до нового будинку (збудованого 2021. року) у улїци Булевар цара Лазара вєдно зоз балетску школу у Новим Садзе (основана 1947.), дзе дзеля исти будинок и медзисобно сотрудзую.Нови будинок оможлївює квалитетнєйше образовнє. Окруженє окреме присподобене за музичну и балетску уметносц.

Єдну зоз школских концертних салох варош Нови Сад хаснує за свойо културни манифестациї и збуваня.

Образовни уровнї и типи

Школа подзелєна на даскельо образовни уровнї у зависносци од возроста и музичного знаня дзецох:^[4]

Музична овода – (коло 200 дзецох) тирва: єден до два роки

Основна музична школа (коло 600-700 школярох) – тирва: два до шейсц роки

Шредня музична школа (коло 200 школярох) – тирва: штири роки

Школа ма отворени у даскелїх околних местох видвоєни оддзелєня у хторих ше отримує порядна настава

Постої можлївосц буц запорядови школяр АБРСМ (Associated Board of the Royal Schools of Music), член од 2006

Оддїли у школи

Школа подзелєна на даскельо музични оддїли (департмани):

клавирски оддїл (департмант)

смикови оддїл

дуйни оддїл

оддїл за гармонику

одїл за соло шпиванє

поли-инструментални оддїл

Оддїл за музичну теорию

Директоре од снованя по нєшка

Исидор Баїч, композитор, снователь и перши директoр музичней школи у Новим Садзе (1909-1915)

Исидор Баїч (1878–1915), снователь и перши директор (1909–1915)

Јован Микшик

Светолик Пашћан-Коянов, 1930–1936

Рикард Шварц, 1936–1941

Лайош Киш

Милутин Ружич

Хинко Марзинец

Антон Тот

Арсен Трива

Душан Стулар

Вера Тошич

Рудолф Бручи

Иван Ковач

Миряна Ивкович

Иван Бульвчич

Стеван Дивякович

Мр. Радмила Ракин Мартинович, 1996–

Продуцентство

Остатнї децениї школа посцигла винїмково резултати. Успихи їх школярох зазначени на носачох звуку:

Зняти музични дїла (на касети и ЦД-ох), историйна кнїжка о музики:

аудио касети:

,,Кармина Бурана” музични ЦД Карла Орфа 1998. року,

музички ЦД „120. роки од родзеня Исидора Баїча” 4. новембра 1999.

ЦД „Музика за Оркестер“ и „Хорска музика“ 16. мая 2001. року,

„Любав ствря лєпши швет” музични ЦД хора „Баїчово славуї” 2000. року

„Смикови оркестер” М. Ш. „Исидор Баїч” музични ЦД,

Монография „Нови Сад – город музики“ ауторох Мариї Адамов, Зорана Колунджиї и Радмили Ракин Мартинович од 27. юния 2000.

Припознаня

Школяре школи посциговали успихи на музичних змаганьох у Сербиї и иноженстве, дзе просеково доставали коло 100 награди рочно, доставаюци и числени награди за одлични наступи и педаґоґийни досяги.

За таки заслуги школа достала:

„Награду Вук Стефанович Караджич,“ 1999. року од Министарства просвити Републики Сербиї и Културно-просвитного дружтва Сербиї.

Школа и директор 2004. року достали Нову милениюмску награду за найлєпше маркетинґ мено у Мадриду за успишну роботу и управянє у обласци музичкого образованя и култури.

Року 2007. достали награду „Др Дьордє Натошевич.“

У музичней школи школярох ше побудзує и стимулує на самостойну роботу и порядне спольньованє обовязкох, а то уплївує на формованє характера дзецох... Школяре окрем же науча грац на инструменту, вони ше и образую же би розумели музику и уживали у музики, же би розумели теорию музичних научних дисциплинох... Музична школа установа култури хтора ма озбильни задаток и явну одвичательносц же би тоти цилї усpишно спольньовала.

Вонкашнї вязи

Урядови сайт школи

Музични школи у Сербиї

Штреднї школи у Новим Садзе

Референци

↑ Музичка школа Исидор Бајић добија нову зграду?. Радио-Телевизия Войводини. 8. 2. 2010.
↑ Kovačević, Krešimir (1984). Leksikon jugoslavenske muzike, Volume 2. Jugoslavenski leksikografski zavod Miroslav Krleža. б. 85
↑ Novi Sad: Muzička škola i Baletska škola počele sa radom Радио-Телевизия Войводини. 1. 9. 2021.
↑ Музичка школа Исидор Бајић - о нама isidorbajic.edu.rs (in Serbian). Retrieved 16 September 2022.

[1] Музичка школа Исидор Бајић добија нову зграду?. Радио-Телевизия Войводини. 8. 2. 2010.

[2] Kovačević, Krešimir (1984). Leksikon jugoslavenske muzike, Volume 2. Jugoslavenski leksikografski zavod Miroslav Krleža. б. 85

[3] Novi Sad: Muzička škola i Baletska škola počele sa radom Радио-Телевизия Войводини. 1. 9. 2021.

[4] Музичка школа Исидор Бајић - о нама isidorbajic.edu.rs (in Serbian). Retrieved 16 September 2022.

[1]

[2]

[3]

[4]