Мелания Павлович
| Мелания Павлович | |
|---|---|
 | |
| Народзена | 9. октобра 1932. |
| Умарла | 9. новембра 2002. (70) |
| Державянство | югославянске |
| Язик творох | руски |
| Школа | Штредня економска школа у Бечею |
| Универзитет | Економски факултет |
| Период твореня | 1951—1995 |
| Жанри | рахунководство, литература,
аматеризем (ґлума, шпиванє) |
| Похована | Нови теметов у Новим Садзе |
| Припознаня | Стриберна плакета АРТ Дядя,
Награда Невен, Златна значка КПЗ Сербиї, Повеля ССРН Войводини, Искри култури КПЗ Войводини, Орден роботи зоз стриберним венцом (1988) |
Мелания Павлович (*9. октобер 1932—†9. новембер 2002) дипломовани економист, поетеса, театрални аматер, вокална солистка и член хору.
Биоґрафия
[ушориц | ушор жридло]Мелания Павлович (народзена Джуня) ше народзела у Руским Керестуре 9. октобра 1932. року. Оцец Єфрем, ремеселнїк, мац Леона (дзивоцке презвиско Кишпетьо). Младша шестра Гелена. Мелания основну школу (1939–1943) и нїзшу ґимназию зоз малу матуру (1945–1948) закончела у своїм родзеним валалє, а штредню економску школу у Бечею (1948–1951). Економски факултет закончела попри роботи и дипломовала 1972. року. Першу службу достала у Землєдїлскей задруґи Перши май у Руским Керестуре (1951–1958).
Мелания Джуня ше одала за Янка Павловича и мали сина Звонимира.
Року 1958. Мелания Павлович ше зоз фамилию преселєла до Нового Саду и предлужела робиц як банкарски службенїк (1958–1967). Кед ше НВП Руске слово преселєло до Нового Саду, Мелания Павлович преходзи на роботу до того подприємства и постава руководитель рахунководства аж по одход до старосней пензиї (1967–1989).
У 1995. року Мелания Павлович постала ґдовица. Од того часу ше єй здравє почало вше баржей погоршовац. Пожила ище нєполни седем роки.
Умарла 9. новембра 2002. року. Похована є на Новим теметове у Новим Садзе.
Литературна творчосц и аматерска дїялносц
[ушориц | ушор жридло]Мелания Павлович писала писнї, кратки приповедки и театрални фалати за дзеци як и поезию за старших. Першу писню Шорови школяр обявела у дзецинским часопису Пионирска заградка 1947. року. Литературни роботи частейше обявйовала од 1960. року у часопису Пионирска заградка, Змай, Hlas ľ udu, Pobijeda za mlađe, Тик так, и у Народних календарох, у новинох Руске слово (у подлїстку Литературне слово), од 1970. року почала обявйовац у часопису Шветлосц поезию за старших.
Писнї єй прекладани на сербски, українски, словацки, мадярски, македонски, румунски, чески, болгарски, италиянски, турски и словенски язик. Твори єй заступени и у антолоґийох на руским, болгарским и польским язику.
Обявела: Зборнїк поезиї за дзеци Нїтки 1971, Веселинка 1974 Сонне бавенє 1982, Зборнїк поезиї Габи одходу 1984, кнїжку приповедкох и сказкох за дзеци Били жаданя 1988. року, писнї за дзеци на сербским язику Веселиште 1990. року и кнїжку Яр у моїм шерцу - Пролеће у мом срцу 1992. року. Свою кнїжку Розбавене лєто нє дожила видзиц бо кнїжка вишла у априлу 2003. року а Мелания умарла пол рока пред тим.
Зоз културно–уметнїцку дїялносцу ше почала занїмац ище як школярка керестурскей нїзшей ґимназиї. През цали час своєй роботней активносци занїмала ше и зоз литературну творчосцу и културно–уметнїцким аматеризмом, особлїво после того як ше преселєла до Нового Саду. Була вецей роки член хору и вокални солист у КУД Максим Горки. У тим периодзе як солиста и у дуету зоз Зденку Орос зняла значне число руских народних писньох, хтори ше и нєшка емитую у руских музичних емисийох Радио Нового Саду.
Награди и припознаня
[ушориц | ушор жридло]За свою вредну роботу на културно–уметнїцким планє достала значне число наградох и припознаньох, спомедзи котрих наведземе лєм значнєйши: Плакета КУД Максим Горки за 30 роки активносци, Стриберна плакета АРТ Дядя за 25 роки театралней роботи, Награда Невен за кнїжку поезиї за дзеци Веселинка, Златна значка КПЗ Сербиї, Повеля ССРН Войводини, Искри култури КПЗ Войводини и Орден роботи зоз стриберним венцом (1988).
Мелания Павлович ше опробовала и як автор драмских фалатох и драмских сличкох за дзеци, з найвекшей часци виводзених прейґ радия. Попри тим як драмски аматер, Мелания Павлович у вельким чишлє радио драмох на руским язику, як за дзеци так и за старших, участвовала як интерпретатор рижних улогох.
Ориґинални драмски твори за дзеци
[ушориц | ушор жридло]- Розгварка школских стварох, радио забава, 1974.
- Вше ци нове дахто пове, радио забава, 1979.
- Драга єдней роси, драмска сличка у стиху, 1982.
- Свой пан, драма за дзеци, 1982. (обявена и на македонским 1985.)
- Ранши розгварки, драмска сличка (обявена и на мадярским)
- Заячи совити, драмска сличка
- Дарунок билей голубици, драмска сличка, 1990
- Ура, ура бабура, драма за дзеци, обявена з насловом „Вилєт”, 1989
- Врацени сон, драма за дзеци, 1993. (обявена и на македонским).
Зоз драмску дїялносцу як ґлумица-аматер почала ше занїмац ище як шклярка керестурскей ґимназиї. Теди одбавела свою першу драмску улогу у театралним фалаце Майска ноц М. В. Ґоґоля у режиї єй професора и познатого театралного дїяча Петра Ризнича Дядї.
Ґлумела у театралних фалатох[ушориц | ушор жридло] | |||
|---|---|---|---|
| Рок | Театрални фалат
|
Улога | Место |
| 1946. | М. В. Ґоґоль: МАЙСКА НОЦ | Руски Керестур | |
| 1947. | Й. С. Попович: КИР ЯНЯ | ”
| |
| 1948. | ҐОМБИЧКА | ”
| |
| 1948. | Б. Нушич: НАШО ДЗЕЦИ | ”
| |
| 1952. | В. Ванченко: ЗАВРАЧАНЕ БЛАГО | Ґруня | ”
|
| 1953. | М. В. Ґоґоль: МАЙСКА НОЦ | ”
| |
| 1958. | Д. Добричанин: ЗАЄДНЇЦКИ КВАРТЕЛЬ | Лола | ”
|
| 1968. | Й. С. Попович: ЗЛА ЖЕНА | ”
| |
| 1975. | Иван Барч: МАЦ | Нови Сад
| |
| 1978. | Лю. Симович: ЧУДО У ШАРҐАНЄ | Икония | ”
|
| 1981. | Ґинтер Ґрас: ПОТОП | Бети | ”
|
| 1993. | С. Мрожек: ТАНҐО | Евґения | ”
|
ТЕКСТИ ПИСНЬОХ
У народним духу[ушориц | ушор жридло] |
ЧЕРВЕНЕ ПУПЧЕ | ||||||
|---|---|---|---|---|---|---|---|
| Рок | Наслов текста | Автор музики | Рок | Наслов текста | Автор музики | ||
| 1998. | Писньо моя | Славко Загорянски | 1997. | Гаї-буї | Татиана Барна | ||
| 1997. | Мойо авточка | Татиана Барна | |||||
ЧЕРВЕНЕ ПУПЧЕ[ушориц | ушор жридло] |
1997. | Бабки рахую (Десанка
Максимович/прешп.) |
Маґдалена Горняк-Лелас | ||||
| Рок | Наслов текста | Автор музики | 1998. | Ганча и бабка | Маґдалена Горняк-Лелас | ||
| 1970. | Лєдво чекам | Яким Сивч | 1998. | Ярнї шепот | Татиана Барна | ||
| 1971. | Кухарка | Маґдалена Горняк-Лелас | 2001. | Била гвиздочка | Татиана Барна | ||
| 1974. | Писня мацери | Юрий Цимбора | 2001. | Жимно було | Йовґен Надь | ||
| 1974. | Найкрасши глас | Витомир Бодянец | 2001. | Пришла яр | Татиана Барна | ||
| 1976. | На вешелє | Маґдалена Горняк-Лелас | 2002. | Дуел (трогласно) | Татиана Барна | ||
| 1976. | Сон | Маґдалена Горняк-Лелас | 2002. | Писня яри | Татиана Барна | ||
| 1979. | У лєше вжиме | Ириней Тимко | 2009. | Приход яри | Кристина Малацко | ||
| 1980. | Чи ви знаце | Маґдалена Горняк-Лелас | 2009. | Красавец | Марияна Колошняї | ||
| 1986. | Любим приповедки | Михал Лїкар | 2009. | Била мелодия | Татяна Ґовля | ||
| 1991. | Кнїжка | Владимир Семан | 2009. | Ми шпиваме | Маґдалена Горняк-Лелас | ||
| 1993. | Машля занєдзбана | Маґдалена Горняк-Лелас | (?) | Овоцнїк | Владимир Колбас | ||
| 1994. | Мам я... | Маґдалена Горняк-Лелас | |||||
| 1994. | Сонни лєт | Татиана Барна |
РУЖОВА ЗАГРАДКА[ушориц | ушор жридло] | ||||
| 1996. | Букет на розходзе | Маґдалена Горняк-Лелас | Рок | Наслов текста | Автор музики | ||
| 1996. | Глас природи | Маґдалена Горняк-Лелас | 1995. | Витров дарунок | Татиана Барна | ||
Литература
[ушориц | ушор жридло]- Оливера Шиячки: Здогадованє на Меланию Павлович, Studia Ruthenica, Дружтво за руски язик, литературу и културу, ч. 13, 2008, б. 136.
- Мр Лука Гайдукович: Мелания Павлович у Едициї „Стражилово”, Studia Ruthenica, Дружтво за руски язик, литературу и културу, ч. 13, 2008, б. 137-14тво 1.
- Дюра Латяк: Мелания Павлович – як поета, драмски писатель и глумец-аматер, Studia Ruthenica, Дружтво за руски язик, литературу и културу, ч. 13, 2008, б. 142-146.
- Ирина Гарди Ковачевич: Мудросц бависка, Творчосц за дзеци Меланиї Павлович, Studia Ruthenica, Дружтво за руски язик, литературу и културу, ч. 13, 2008, б. 147-156.
- Владимир Бесерминї: Мелания Павлович „Нїтки”,Studia Ruthenica, Дружтво за руски язик, литературу и културу, ч. 13, 2008, б. 157-162.
Вонкашнї вязи
[ушориц | ушор жридло]- Мелания Римар, Мелания Павлович 55 роки зоз Заградку, Studia Ruthenica, Дружтво за руски язик, литературу и културу, ч.16, 2011, 63-65.
- Єлисавета Бульовчич Вучетич: Длуго най ше чита - Поетеси Меланиї Павлович за 80. родзени дзень, Studia Ruthenica, Дружтво за руски язик, литературу и културу, ч. 20, 2015, б.168
- Мелания Павлович, список текстох за композициї, Червена ружа 1962-2011, том 2, Завод за културу войводянских Руснацох и Дом култури Руски Керестур, Нови Сад, 2014, б. 521