Звонимир Павлович
| Звонимир Павлович | |
|---|---|
 | |
| Назвиско | Звоне |
| Датум народзеня | 15. юлия 1955. |
| Датум упокоєня | 14. януара 2022 (67) |
| Державянство | югославянске, сербске |
| Школа | Ґимназия Йован Йованович Змай, Нови Сад |
| Язик творох | руски, сербски |
| Период твореня | 1977—2021 |
| Жанри | ґлума, режия, драматурґия |
| Поховани | Городски теметов, Нови Сад |
Звонимир Павлович (*15. юлий 1955—†14. януар 2022), ґлумец-аматер, режисер и драматурґ.
Биоґрафия
[ушориц | ушор жридло]Звонимир Павлович ше народзел 15. юлия 1955. року у Руским Керестуре у службенїцкей фамелиї. Родичи, оцец Янко и мац Мелания родз. Джуня ше пошвидко преселєли до Нового Саду, та Звонимир там закончел основну и штредню школу, а тиж и студирал историю на Филозофским факултету у Новим Садзе. Робел перше у новинскей хижи Дневник, а вец у фирми Фри прес.
Родичи Звонимира Павловича Янко и Мелана Павловичово були активни театрални аматере и тоту їх любов пренєсли и на сина Звонимира. Уж 1975. року як ґимназиялєц у новосадскей ґимназиї Йован Йованович Змай участвовал у заєднїцким драмским проєкту матурантох. Свойо театралне знанє Звонимир Павлович усовершел у Драмским студию АРТ Дядя 1976. и 1978. року. Перше ґлуму, а вец и режию.
Опробовал ше и як драмски писатель. НВУ Руске слово му обявела штири драмски тексти под насловом Клїтка за щешлївих 2011. року, а 2013. року у часопису Шветлосц обявел драму Зазбероваче труплох инспировану зоз траґичну судьбу др Гавриїла Костельника, зачатнїка нашей уметнїцкей литератури и автора першей рускей ґраматики. У 2018. року часопис Шветлосц му обявел и драму Бабушка, по мотивох Т. Кушнера и Ф. Кафки, котру истого року прапремиєрно поставел на сцену у РКЦ у Новим Садзе, а вец на 50. Драмским мемориялу. Новосадска компания Free press doo му 2020. року обявела кнїжку драмох Чарни лебед.
Ширшей явносци є познати и як телевизийни и радио ґлумец. Участвовал у вецей бавених телевизийних програмох, як автор телевизийних сценарийох и як режисер радио драмох. Тиж так, Звонимир Павлович бул и член екипи ґлумцох хтори вецей роки участвовали у знїманю популарней гумористичней радио-емисиї На Габох музики и гумору хтора емитована у програми на руским язику Радио Нового Саду.
Бул єден з найпознатших руских режисерох-аматерох, котри провадзел сучасни театрални тренди у нас и у швеце, и любел експериментовац на сцени.
Найвецей награди достал за ґлуму на Покраїнским фестивалу малих и експерименталних сценох у Панчеве.
Звонимир Павлович ше оженєл зоз Вукицу родз. . У малженстве мали сина Неманю и дзивче Соню.
Звонимир Павлович бул идейни творитель и автор проєкта под назву Веселинка - а то Фестивал дзецинскей творчосци Руснацох Войводини. Перши фестивал отримани 2002. року и потим ше го отримовало у юнию мешацу каждого року у просторийох РКПД Нови Сад.
Звонимир Павлович умар 14. януара 2022. року у Новим Саду. Поховани є на новосадским городским теметове.
Театрална активносц Звонимира Павловича[ушориц | ушор жридло] | |||||||
|---|---|---|---|---|---|---|---|
Ґлумел у фалатох:[ушориц | ушор жридло] |
Рок | Театрални фалат
|
Надпомнуце
| ||||
| Рок | Театрални фалат
|
Улога
|
1990. | С. Бекет: КОНЄЦ ПАРТИЇ | |||
| 1980. | Д. Ковачевич: РАДОВАН ТРЕЦИ | Келнер | 1991. | Н. Дудаш - З. Павлович: ЗАБРАНЄНА РЕПРОДУКЦИЯ | Драмска роботня Центер, Зренянин | ||
| 1982. | Дю. Папгаргаї: ТЕЛЕФОН МОЙ ПРИЯТЕЛЬ | Мойсей | 1993. | С. Мрожек: ТАНҐО | |||
| 1983. | А. Жари: КРАЛЬ ИБИ | Оцец Иби | 1995. | С. Мрожек: СКРАВЕЦ | |||
| 1984. | Ґ. Стефановски: ХАЙ-ФАЙ | Мойсей | 1996. | А. Б. Руцанте: МУШКА | |||
| 1985. | С. Стратиєв: АВТОБУС | Нєодвичательни | 1998. | Ф. Диренмат: СИНДРОМ | Драмски студио РКПД Нови Сад | ||
| 1989. | Ґ. Михич: БИДНИ МАЛИ ГЕРЧКИ | Други | 2002. | Драматизация З. Павлович: ЗАБАВА | Драмски студио РКПД Нови Сад | ||
| 1990. | С. Бекет: КОНЄЦ ПАРТИЇ | Хам | 2003. | Дж. Ливинґтон: АЗ ЄСМ | Драмски студио РКПД Нови Сад | ||
ТВ филм
|
2008. | Ю. Надь: МАЧКА | По текстох Ю. Надя | ||||
| 1982. | Мирон Канюх:РАТУНОК, режисер Зоран Шарич | ТВ Нови Сад | 2013. | Ю. Надь: МАЧКА | Драмски студио РКПД Нови Сад | ||
Режирал фалати:[ушориц | ушор жридло] |
2014. | Христо Бойчев: ОРКЕСТЕР ТИТАНИК | Драмски студио РКЦ, Нови Сад | ||||
| Рок | Театрални фалат
|
Надпомнуце | Orkestar Titanik | ||||
| 1986. | К. и Й. Чапек: ИНСЕКТИ | 2015. | Танкрет Дорст:DIE KURVE/АБО КРИВИНА | ||||
| 1987. | Н. Дудаш - З. Павлович: ЗАБРАНЄНА РЕПРОДУКЦИЯ | 2016. | Миро Ґавран: БОЖЕСКА НОЦ | Драмски студио РКЦ, Нови Сад | |||
| 1988. | ххх: АВЗЛОҐ | Интервентна ґрупа Форґов
Фестивал Город театер, Будва |
2017. | З. Павлович: ЗАЗБЕРОВАЧЕ ТРУПЛОХ | |||
| 1988. | Б. Грабал - В. Нїват: ТАНЄЧНА ШКОЛА ЗА ОДРОСНУТИХ | 2018. | Т. Кушнер и Ф. Кафка: БАБУШКА | Драмски студио РКЦ, Нови Сад | |||
| 1988. | ххх: ВОЙЧЕК | Драмска роботня Центер, Зренянин | 2019. | З. Павлович: ПОТВОРИ | ТВ Войводина, май 2019. | ||
| 1989. | Ґ. Михич: БИДНИ МАЛИ ГЕРЧКИ | 2019. | З. Павлович: ПОТВОРИ | знїмок зоз премиєри 1. марца 2019. | |||
| 1989. | ххх: ПИРАТСКА СКАЗКА | Интервентна ґрупа Форґов и СНТ Нови Сад | |||||
Ґалерия
[ушориц | ушор жридло]-
Часц екипи ґлумцох на знїманюТВ филма Ратунок, з лїва: Силвестер Пушкаш, Татяна Колєсар Ґвоїч, Звонимир Павлович и Иван Терлюк, шедзи Драґен Колєсар. -
Екипа ґлумцох у студию Радио Нового Саду на знїманю радио-емисиї На габох музики и гумору. Звонимир Павлович други з права. Знїмане 18. новембра 1987. року.
Литература
[ушориц | ушор жридло]- Зазбероваче труплох Драми
Вонкашнї вязи
[ушориц | ушор жридло]- Интервю з причину Звонимир Павлович
- Портрет Звонимира Павловича у ТВ сериї Мой швет
- Zvonimir Pavlović / Dramski studio RKC u Novom Sadu Dramatické štúdio RKC v Novom Sade
- Мирон Жирош, Мaлочислени, a вельки нaрод, „Длугорочни ґлумци aмaтерe, по квaлитету нa уровню професионaлних, ґлумци AРT "Дядя", РНT "Дядя", члени културно-просвитних дружтвох лєбо дрaмских секцийoхˮ, чис. 35, вебсайт Руснаци у Панониї, rdsa.tripod.com
- Новини Руске слово, Рок LXXVIII, число 3 (3976), Нови Сад, 21. януар 2022, бок 23.