Корепетиция

Корепетиция, проба контрабасисти зоз провадзеньом клавира.

Нотни запис валцера, хтори у 3/4 такту, провадзенє зоз клавиром.

Корепетиция (лат. cum зоз и repetere повторйовац) то:

1. Музична проба солисти/а ( инструменталисти, шпивача лєбо танєчнїка), хору лєбо танєчного /фолклорного ансамбла, найчастейше зоз провадзеньом клавира. Проба фолклорней ґрупи часто провадзена зоз гармонику.

Звучни приклад валцера, провадзени зоз клавиром

Служи за:

♦ виучованє даякого дїла лєбо

♦ увежбованє музичара за будуци явни наступ у виду:

a) солистичного концерта зоз провадзеньом клавира, ґитари, гармоники,

б) солистичного концерта зоз оркестром; балета, опери, оперети, мюзикла итд. На тих пробох клавир заменює оркестер. Особа хтора провадзи проби на инструменту вола ше корепетитор.

♦ Уметнїцка потирмовка: Помц у формованю и отримованю темпа, динамики, аритикулациї и интерпретациї.

Циль корепетициї же би ше зоз повторйованьом увежбало корелацию помедзи шицких виводзачох у музичним дїлу. Початни уходи, темпо, динамика, аґоґика, артикулация, интерпретация, музикованє-гранє, музична мемория, психична и физична кондиция, ускладзени законченя, то лєм часточни елементи корепетициї .

Музичне дїло, композиция, достава свой живот, праве значенє, смисел и постава цалсоц аж на пробох зоз провадзеньом клавира (то ше нє одноши на дїла без провадзеня, такв. соло).

Соло писня Франца Шуберта зоз корепетицию клавира

Корепетиция важни фактор у розвою каждого музичара.

2. Музични предмет у музичних школох и на музичних факултетох, хтори музичара пририхтує за корепетитора.

Вонкашня вяза

• Pohvala korepetitoru
• Теория и практика аккомпанемента Методични основи корепетициї (язик русийски)
• Ф. С. Капица. История мировой культуры. — ACT : Слово, 2010. — 606 с. — ISBN 978-5-17-064681-4.