Музичар
Дефиниция поняца музичар
[ушориц | ушор жридло]Слово музичар (франц. musicien, анґл. musician)[1] ма широке значенє з оглядом же музика як уметносц барз обсяжна обласц. Праве прето и музичарох змесцуєме до велїх катеґорийох и подкатеґорийох, у зависносци од обласци музики зоз хтору ше, занїмаю.
Музика ше дзелї на забавну, джез, класичну, народну та ше автоматски и музичаре дзеля на музичарох забавней, джез, класичней, народней музики итд.
Порядне музичне образованє ше здобува у основней музичней, штреднєй музичней школи и на музичней академиї. Спрам музичного образованя, музичар може буц школовани и нєшколовани тє. самоуки. Од того яки ма приступ ґу музики, музичар може буц аматер и професионалєц.
Музичар у ширшим смислу означує особу хтора ше занїма зоз музику, без огляду чи ю твори, виводзи, виклада у настави, аранжує лєбо ушорює. За барз добрих музичарох и їх значни досяги, гвариме же су уметнїки.
Файти музичарох
[ушориц | ушор жридло]Музичар може буц:
♦ инструменталиста.[2] То особа хтора грає на даяким музичним инструменту[3].
Подзелєнє музичарох ― инструменталистох може буц по:
♦ катеґориї инструмента на хторим граю (кед граю на смиковим инструменту, спадаю до гудакох-смикарох, (сeрб. гудачи), кед граю на дуйних инструментох гвариме же то дуваче, кед музичар грає на инструменту зоз типками на клавиру то пияниста лєбо клавириста, кед на сучасним електричним-диґиталним инструменту зоз клавиятуру, то клавиятуриста итд.) и
♦ спрам мена инструмента на хторим грає (музичар хтори грає на виолини вола ше виолиниста, хтори грає на виолончелу, вола ше виолончелиста, музичар хтори грає на кларинету, вола ше кларинетиста, на саксофону-саксофониста, кед грає на басу, басиста, бубнї, бубняр (буґнар) итд.)
Кед музичар грає сам то солиста, кед грає у оркестру за ньго гвариме же є оркестерски музичар. У зависносци од оркестру у яким граю, музичаре ше дзеля на: камерни, ревийни, воєни, джез, филгармонийски, оперски.[4]
♦ Шпивач. Хаснує свой глас, кед сам шпива вон солиста. Кед шпива у хору гвариме за ньго же є хорски шпивач.
♦ Композитор. То особа хтора твори музику тє. компонує.
♦ Дириґент. То особа хтора дириґує, роби зоз даєдним музичним составом (хор, оркестер, шпиваци ґрупи).
♦ Аранжер. То особа хтора пише аранжмани за музични состави.
♦ Кантавтор. То особа хтора твори забавни композициї и писнї хтори сам виводзи (интерпретує).
♦ Музиколоґ. То особа хтора преучує музично-теорийски дисциплини (музични теоретичар, историчар, естетичар, социолоґ музики итд.).
♦ Музични педаґоґ. То музично образована особа хтора обучує, виклада даєден з музичних предметох (музичну културу, солфедьо, теорию музики, гармонию, контрапункт, музични форми, муз. фолклор, историю музики, даєден инструмент итд.)
♦ Музични редактор. То особа хтора ушорює музику за потреби радия, телевизиї, лєбо даєдней музичней хижи итд.
Вонкашнї вязи
[ушориц | ушор жридло]Михаил Будински-академски музичар, визначни виолиниста инструменталиста, професор на Академиї уметносцох у Н.Садзе. знїмок You.Tube
Референци
[ушориц | ушор жридло]- ↑ Vlastimir Peričić, Вишејезични речник музичких термина.
- ↑ Властимир Перичић - Радивој Лазић, Основи теорије музике.
- ↑ Пример инструменталисте Архивоване на сайту Wayback Machine (7. април 2016.)
- ↑ Музичари у разним оркестрима Архивоване на сайту Wayback Machine (12. август 2014.)