Инструменталиста

Кларинетисти

Дьовани Дь.Камбини: Квинтет за кларинет ч.1 у бе-молу

Инструменталиста (анґл. instrumentalist) то музичар хтори грає на даєдним музичним инструменту.

Файти инструменталистох

• Инструменталиста фаховец то музичар хторому то професия, пошвецел ше инструменту и жиє з граня, процивно тому гвариме инструменталиста - аматер (инструмент му гоби). Лєм виртуоз инструменталиста може буц уметнїк.
• Инструменталиста може буц школовани (музично образовани) и нєшколовани (без музичного образованя).
• Инструменталиста хтори грає на виолини/гушлї наволує ше виолиниста/гушляр, кед грає на кларинету, гвариме же є кларинетиста, кед грає на клавиру, пияниста /клавириста итд.

• Инструменталиста може грац сам, теди вон солиста, може грац зоз даским (напр. у дуету, квартету, квинтету), а найчастейше грає у даяким оркестру. У оркестру граю велї инструменталисти на рижнородних инструментох.

• Инструменталиста може грац класичну, народну, забавну або джез музику.

• За музичара хтори грає два лєбо вецей инструменти гвари ше же є мулти-инструменталиста.

Велї музичаре познати по граню на одредзеним инструменту и вони досцигую рейтинґ у швеце музики без огляду на жанр музики хтору виводза. Инструменталисти поготов у популарней джез, фолк, ткв. забавней музики часто ше медзи собу комбиную и наступаю вєдно у формованих музичних ґрупох/бендох. Инструменталисти класичних инструментох найчастейше орґанизую камерни менши ґрупи (дуети, триа, квартети) лєбо векши камерни ансамбли.

Ґалерия

• 
  Фреска зоз Єгипту коло 1350.року п.н.е., Єгипчанки граю на лутнї
• 
  Инструменталисти Антики
• 
  Инструменталисти 16. вику
• 
  Дует инструменталистох (1635, Комелис Сафтлевен)
• 
  Моцарт фамелия, визначни музичаре и инструменталисти
• 
  Гармоника
• 
  Трубач-инструменталиста, Дюк Елинґтон
• 
  Виолончелиста зоз Буенос Айреса
• 
  Фуяра
• 
  Клара Гибишова, пиянисткиня