Юлин Бучко
| Юлин Бучко | |
|---|---|
 | |
| Народзени | 4. марца 1958. |
| Умар | 13. фебруара 2011 (53) |
| Державянство | югославянске, горватске |
| Язик творох | руски и горватски |
| Школа | Штредня польопривредна школа Осєк,
Висша музична школа Осєк |
| Период твореня | 1983—2010. |
| Жанри | просвита, култура, компонованє |
| Поховани | у Миклошевцох, Горватска |
Юлин Бучко (*4. марец 1958—†13. фебруар 2011), наставнїк у музичней школи, музични редактор у радию, роботнїк у култури и композитор.
Биоґрафия
[ушориц | ушор жридло]Юлин Бучко народзени 4. марца 1958. року у Миклошевцох у Горватскей. Оцец Михал и мац Мария народзена Голик. Юлин мал старшу шестру Агнету. Юлин Бучко закончел основну школу у Миклошевцох, а штредню польопривредну школу закончел у Илоку. Алє, польопривредни фах го нє прицаговал. Любов ґу музики була моцнєйша, та ше уписал до Висшей музичней школи у Осєку. Так, место польопривредного фаховца, Юлин Бучко постал наставнїк музики. Робел як наставнїк музики у музичней школи при Културним центру у Вуковаре.
Юлин Бучко з двох малженствох мал сина Бориса и два дзивчата, Гелену и Ану. На шицки дзеци пренєсол любов ґу музики.
Воєни обставини на подручу Вуковара дзеведзешатих рокох прервали роботу школи, а Юлин Бучко пошол на дочасну роботу до Нємецкей, же би обезпечел голєм елементарну еґзистенцию своєй штирочленей фамилиї. Кед ше воєни обставини змирели, Юлин ше врацел до Вуковару, алє тераз на роботне место музичного редактора у Горватским радио Вуковаре.
Нажаль, воєни обставини охабели пошлїдки и на його здравю, та 2009. року мушел пойсц до инвалидскей пензиї. Як пензионер Юлин Бучко пожил ище два роки. Умар у Вуковаре 13. фебруара 2011, а поховани є 15. фебруара 2011. року у Миклошевцох.
Юлин Бучко почал компоновац музику 1985. року на тексти Дюри Папгаргаї и на тексти своєй шестри Агнети Бучко-Папгаргаї, а опробовал ше и на текстох Мирона Колошняя и Олени Фейса.
КОМПОЗИЦИЇ
[ушориц | ушор жридло]| У народним духу | ||
|---|---|---|
| Рок | Композиция | Автор текста |
| 1985. | Дунаю, рико | Агнета Бучко |
| 1986. | Моя калїна | Агнета Бучко |
| 1987. | Била голубка | Агнета Бучко |
| 1988. | Дує витрик | Силво Ерделї |
| 1989. | Чарни очка пошли спац | Олена Фейса |
| 1990. | То любов була | Агнета Бучко |
| 1992. | Били конї | Дюра Папгаргаї |
| 2006. | Сримски гудак | Борис и Юлин Бучко |
| 2007. | Сциха | Агнета Бучко-Папгаргаї |
| 2008. | Шипшина, тарчина | Агнета Бучко-Папгаргаї |
| У забавним духу | ||
|---|---|---|
| Рок | Композиция | Автор текста |
| 1983. | Твой смуток и мнє швичку палї | Дюра Папгаргаї |
| 1984. | Точни час | Дюра Папгаргаї |
| 1987. | Любел сом | Дюра Папгаргаї |
| 1988. | Ладї | Агнета Бучко |
| 1989. | Придз | Агнета Бучко |
| 1990. | Дзивочко мила | Агнета Бучко |
| ЧЕРВЕНЕ ПУПЧЕ | ||
|---|---|---|
| Рок | Композиция | Автор текста |
| 1986. | Лєм по моди | Дюра Папгаргаї |
| 1987. | Хованє єдней жаби | Дюра Папгаргаї |
| 1988. | Нє за дзеци | Агнета Бучко-Папгаргаї |
| 1989. | Ту мам очко | Мирон Колошняї |
| 1989. | Волай ме | Мирон Колошняї |
| Ружова заградка | ||
|---|---|---|
| Рок | Композиция | Автор текста |
| 1990. | Писнї сон | Агнета Бучко |
| 1990. | Випровадзаня | Агнета Бучко |
| 1991. | Уцихнї шерцо | Агнета Бучко |
| 2007. | Ми, дзивчата | Агнета Бучко |
| 2008. | Нєзабудка | Агнета Бучко-Папгаргаї |
| 2009. | Кед сом ишла | Агнета Бучко-Папгаргаї |
| 2010. | Червена ружичка | Агнета Бучко-Папгаргаї |
Литература
[ушориц | ушор жридло]Вонкашнї вязи
[ушориц | ушор жридло]- Юлин Бучко, биоґрафия и список авторских композицийох. Червена ружа 1962-2011, Том II, б. 488
- Нови Руски Народни Шпиванки З Ружовей заградки (2)