Мария С. Горняк
| Мария С. Горняк | |
|---|---|
 | |
| Народзена | 9. новембра 1935. |
| Умарла | 27. марца 2018 (83) |
| Державянство | югославянске, сербске |
| Язик творох | руски |
| Школа | основна школа и нїзша ґимназия |
| Период твореня | 1952—2015. |
| Жанри | администрация, литература |
| Похована | у Сримскей Каменїци |
Мария С. Горняк (*9. новембер 1935—†27. марец 2018), поетеса, авторка стихох за композициї.
Биоґрафия
[ушориц | ушор жридло]Мария Скубан народзела ше 9. новембра 1935. року у Коцуре. Оцец Єфрем и мац Юла. Мария мала штирох братох: Йовґена, Василя, Єфрема и Дюру. У Коцуре Мария Скубан закончела основну школу и нїзшу ґимназию зоз малу матуру. Понеже нє мала условия за предлуженє школованя, почала робиц як административни службенїк перше у тедишнєй Скупштини општини Коцур по 1957. рок, а 1958. року прешла на службу до Землєдїлскей задруґи, тиж у Коцуре.
Мария Скубан ше 1960. року преселєла до Нового Саду и почала робиц у Державним архиве Войводини, на Петроварадинскей твердинї.
У медзичаше Мария Скубан ше одала за Кирила Горняка. У малженстве мали трох синох: Владу, Михала и Миколу.
У 1961. року вона прешла на длужносц административного службенїка до Институту за плюцово хороти у Сримскей Каменїци, дзе остала по 1985. рок, кед пошла до пензиї. Як пензионерка жила у Сримскей Каменїци.
Поетска творчосц
[ушориц | ушор жридло]Мария Горняк почала писац писнї ище як школярка нїзшей ґимназиї, а перша єй писня, под насловом Мацери, обявена 1952. року у Пионирскей заградки. Зоз поезию ше интензивнєйше почала занїмац после преселєня до Нового Саду. Найвецей писнї обявйовала у Пионирскей заградки и Литературним слове, а найвецей тексти за компонованє написала у сотруднїцтве зоз Маґдалену Горняк Лелас, котра на нїх написала музику. Мария Горняк написала 21 текст на котри зложена музика и тоти композициї виведзени на Червеней ружи и Ружовей заградки.
Мария Горняк нар. Скубан умарла у Сримскей Каменїци 27. марца 2018, у своїм 83. року живота.
Композициї за хтори текст написала Мария Горняк
Червена ружа[ушориц | ушор жридло] | ||
|---|---|---|
| У народним духу | ||
| Рок | Наслов писнї | Автор музики |
| 1995. | Писнї нашо | Маґдалена Горняк-Лелас |
| 1996. | Руски валали и поля | " |
| 2002. | Руски сукнї | " |
| 2006. | Весела дзивка | " |
Червене пупче[ушориц | ушор жридло] | ||
| Рок | Наслов писнї | Автор музики |
| 1995. | Розлука з дзецинством | Маґдалена Горняк-Лелас |
| 1995. | Шмели кавбой | " |
| 1995. | Канджурка | " |
| 1998. | Глїняни кантички | " |
| 2002. | Перши шнїг | " |
| 2004. | Баба на ролерох | " |
| 2008. | На пойдзе | " |
| 2010. | Наташов пшичок | " |
| 1998. | Весели витрик | Любомир Загорянски |
Ружова заградка[ушориц | ушор жридло] | ||
| Рок | Наслов писнї | Автор музики |
| 1992. | Грайце гудаци | Йовґен Надь |
| 1994. | Писмо мацери | Йовґен Надь |
| 1994. | Била ружа | Маґдалена Горняк-Лелас |
| 1995. | На танцу | " |
| 1997. | Витор слизи сцера | " |
| 2002. | Чуєм це, мамо | " |
| 2002. | Нє плач, виолино | " |
| 2010. | При старей студнї | " |
Литература
[ушориц | ушор жридло]- Руски християнски календар 2019. рок, бок 223
Вонкашнї вязи
[ушориц | ушор жридло]- Умарла Мария Горняк, Рутенпрес, 28. марец 2018
- Мария С. Горняк (биоґрафия и список текстох за композициї), Червена ружа 1962-2011, Том II, Завод за културу войводянских Руснацох, Нови Сад, 2014., б. 493