Кирил Бесерминї
| Мено и презвиско | |
|---|---|
| (портрет) | |
| Народзени | 1910 |
| Умар | 1979 |
| Державянство | австроугорске, югославянске |
| Язик творох | руски |
| Школа | Учительска школа, Крижевци |
| Период твореня | |
| Жанри | образованє, култура |
| Поховани | |
1910
1979
австроугорске, югославянске
руски
Учительска школа, Крижевци
образованє, култура
Винковци
Кирил Бесерминї (*1910†1979), учитель и културни дїяч у Бачинцох
Биоґрафия
Кирил Бесерминї ше народзел 1910. року у Коцуре, як треци по шоре спомедзи тринацецерих дзецох священїка Дюри (Георгия) Бесерминя, хтори у тим чаше там бул на служби. Основну и гражданску школу закончел у Шидзе, дзе його оцец бул премесцени на службу, а учительску школу у Крижевцох, вєдно зоз нашим познатим писательом и театралним дїячом Михайлом Ковачом.
До Бачинцох, на вимаганє Руснацох з того валалу, Кирил Бесерминї пришол робиц школского 1935/36. року, як учитель рускей народносци, хтори од 17. септембра 1937. и официйно поставени за учителя у руских оддзелєньох. Мал два класи по руски: першу и друг, а дзеци вец предлужовали наставу на сербским язику.
У Бачинцох Кирил Бесерминї ше оженєл зоз Леону, дзивку Йовґена Планчака, хтори у тим чаше бул єден зоз сновательох (1932. року) бачинскей Просвити и єй предсидатель.
Маюци на уваги же ище Кирилов оцец Дюра, як парох у Шидзе, бул єден з тих цо ше закладали за снованє филияли Руского народного просвитного дружтва у Шидзе, розумлїве же у тим духу вон воспитовал и свойо дзеци. Так ше и Кирил у Бачинцох, попри учительскей роботи, уключел и до активносци рускей Просвити. Поставял на сцену рижни театрални фалати, учел дзеци народни танци и пририхтовал рижни преподаваня. Як призначене, то були найплоднєйши часи културного живота Руснацох у Бачинцох.
Єден час, после службованя у Бачинцох, Кирил Бесерминї робел у школи у Дюрдьове, потим у Сримских Чаковцох, дзе учел руски дзеци зоз Миклошевцох, а конєц учительскей кариєри и пензию дочекал у Винковцох, дзе ше и упокоєл 1979. року, и там є поховани.
Литература
[ушориц | ушор жридло]- Владимир Бесерминї: Учителє фамелиї Бесерминьовей зоз Шиду, Studia Ruthenica, 3, Зборнїк роботох Днї Миколи М. Кочиша, Дружтво за руски язик и литературу, Нови Сад, 1992-1993, 335-338.
- о. проф. др Роман Миз: Священїки дакедишнього Осєцкого викарията, Видавателє Парохия св. ап. Петра и Павла, Нови Сад и Максима, друкарня и видавательна хижа, Петроварадин, 2016, б. 41-44.
- Ирина Папуґа: Руска Просвита у Бачинцох, Видавателє: Дружтво за руски язик, литературу и културу, Нови Сад, Секция Дружтва у Бачинцох, КПД Драґен Колєсар Бачинци, Основна школа Бранко Радичевич, Шид, Оддзелєнє у Бачинцох, Месна заєднїца Бачинци, б. 44-47.