Квитна нєдзеля

Квитна нєдзеля (або Багнїтки) - Квитна нєдзеля то шеста нєдзеля у вельконоцним посце. Тей нєдзелї ше преславює святочни уход Исуса Христа до Єрусалиму, дзе го людзе дочекали махаюци зоз палмовима конарчками. Нєшка ше у церкви на тото швето дзеля пошвецени багнїтки, хтори символизую тоти палмово конарчки. Багнїтки людзе ноша дому и чуваю их през цали рок (чес. květná neděle - исте, слц. диял. kvetná ňed’el’a, Kvetná nedzela – исте, серб. Цвети). На Квитну нєдзелю ше при церкви дзеля людзом пошвецени багнїтки, хтори символизую палмово конарчки зоз хторима народ махал привитуюци Христа у Єрусалиме. И саме дзелєнє багнїткох при церкви народ вола багнїтка:

Приклад:

А була Багнїтка. По багнїтку ишлї дзеци.

Квитна нєдзеля вше пада внєдзелю, дзень по Лазаровей соботи и тидзень пред Вельку ноцу. Установена є у Єрусалиме при концу IV вику, як памятка на остатнї, царски и шветочни уход Исуса Христа до святого варошу Єрусалиму и на остатню нєдзелю його живота.

Квитна нєдзеля ше означує у шицких християнских жемох, з нєвельку розлику у обичайох. Євангеєлисти призначую же Исус на варошских капурох дочекани з квецом и палмовима лїсцами, хтори му людзе руцали пред ноги. Понеже пре жимну климу у велїх европских жемох палми нє можу роснуц, народ на тот дзень до церкви ноши ґузбанок, тису, конарчки верби або маслини.

Литература

Словнїк руского народного язика I, А – Н, Нови Сад 2017, б. 40. и 588.

Matthew 19–28 by William David Davies, Dale C. Allison 2004 ISBN 0-567-08375-6 page 120

John 12–21 by John MacArthur 2008 ISBN 978-0-8024-0824-2 pages 17–18

Британика Енциклопедиски Речник. Топер, МПМ, 2005, Книга 7, стр. 120

Вонкашнї вязи

Цвети, Википедија на српском језику, sr.wikipedia.org