Янко Ґ. Рац

Янко Ґ. Рац
Народзени	19. авґуста 1942.
Умар	22. октобра 2021. (79)
Державянство	югославянске, сербске
Язик творох	руски
Школа	Стредня польопривредна школа, Футоґ
Универзитет	Польопривредни факултет, Нови Сад
Период твореня	1961—1996.
Жанри	польопривреда, театрална уметносц
Поховани	у Руским Керестуре

Янко Ґ. Рац (*19. авґуст 1942—†22. октобер 2021), дипл. инж. польопривреди, ґлумец –аматер.

Биоґрафия

Янко Рац Рацмишков ше народзел 19. авґуста 1942. року у Руским Керестуре. Родичи оцец Ґабор и мац Ана, родзена Рац (Дзвонарова). Янко мал старшого брата Гавриїла. У родимим валалє 1957. року закончел основну школу, а стредню польопривредну школу закончел у Футоґу 1961. року. Янко Рац дипломовал на Польопривредним факултету у Новим Садзе 1967. року. Перше роботне место мал у ЗПЗ Русин у Руским Керестуре, такой по законченю Стреднєй польопривредней школи, 1961. по 1966. рок, а вец 1966. по 1968, рок робел у фабрики Витал у Вербаше.

Янко Рац бул оженєти зоз Марию родз., у малженстве мали сина Славка.

Од 1968. по пензионованє 1996. року Янко Рац робел у Польопривредним комбинату Перши май у Руским Керестуре.

Допринос рускому театру

Зоз театралну дїялносцу Янко Рац ше почал занїмац ище як школяр висших класох основней школи у Руским Керестуре, при наставнїкови Юлинови Колєсарови, як член бабкарского театра. Медзитим, замерковани постал як ґлумец-аматер у 1969. року, безпостредно пред снованьом Аматерского руского театра Дядя у рамикох Драмскей секциї Дому култури у Руским Керестуре, а вец як стаємни член Керестурскей сцен и АРТ Дядя. Єден є зоз шора наших славних театралних ветеранох, котри пренєсли славу нашого театра по цалей дакедишнєй Югославиї после успишних наступох на Союзним фестивалу аматерских театралних дружтвох на Хвару и у Требиню.

И попри одходу до пензиї, Янко Рац ище 18 роки предлужел поряднє участвовац у театралних проєктох АРТ Дядя у Руским Керестуре. Од першей улоги Анучкина у Ґоґольовей Женїдби 1969. року Янко Рац бул активни на сцени у ище 35 театралних сезонох у, вєдно, 36 улогох, а остатня була у Националней страґедиї Славка Ороса 2014. року.

Янко Рац ше упокоєл 22. октобра 2021. року. Поховани є на теметове у Руским Керестуре.

Янко Рац ґлумел у тих театралних фалатох
Рок	Театрални фалат	Улога			Рок	Театрални фалат	Улога
1969.	М. В. Ґоґоль: ЖЕНЇДБА	Анучкин
1970.	О. Коломиєц: ФАРАОНЄ	Оверко
1972.	И. Франко: УКРАДЗЕНЕ ЩЕСЦЕ	Бабич
1974.	Б. Нушич: ОЖАЛОСЦЕНА ФАМИЛИЯ	Танасиє
1975.	Й. С. Попович: КИР ЯНЯ	Мишич
1977.	М. В. Ґоґоль: РЕВИЗОР	Хлопов
1978.	Ст. Сремац: ПОП ЧИРА И ПОП СПИРА	Пера учитель
1979.	А. Вампилов: РОЗЛУКА У ЮНИЮ	Милиционер
1979.	ОПЕРА ЗА ТРИ ҐРОШИ	Волтер
1981.	Е. Лабиш-М. Мишел: ФЛОРЕНТИНСКИ КАЛАП	Бопертуй
1982.	Б. Нушич: ПОДОЗРИВА ОСОБА	Таса, практикант
1983.	М. Ковач: ОРАЧЕ	Андрий)

1970. О. Коломиєц: ФАРАОНЄ (Оверко)

1972. И. Франко: УКРАДЗЕНЕ ЩЕСЦЕ (Бабич

1974. Б. Нушич: ОЖАЛОСЦЕНА ФАМИЛИЯ (Танасиє)

1975. Й. С. Попович: КИР ЯНЯ (Мишич)

1977. М. В. Ґоґоль: РЕВИЗОР (Хлопов)

1978. Ст. Сремац: ПОП ЧИРА И ПОП СПИРА (Пера учитель)

1979. А. Вампилов: РОЗЛУКА У ЮНИЮ (Милиционер)

1979. Б. Брехт: ОПЕРА ЗА ТРИ ҐРОШИ (Волтер)

1981. Е. Лабиш-М. Мишел: ФЛОРЕНТИНСКИ КАЛАП (Бопертуй)

1982. Б. Нушич: ПОДОЗРИВА ОСОБА (Таса, практикант)

1983. М. Ковач: ОРАЧЕ (Андрий)

1984. Дю. Скарничи-Р. Тарабузи: КАВИЯР И ҐЕРШЛА (Раймондо) 1985. М. Ковач: ГРИЦОВО ВОЯЧЕНЄ (Фукс) 1986. Б. Пекич: НА ШАЛЄНИМ БИЛИМ КАМЕНЮ („Ґенералє“) (Спикер) 1986. Б. Пекич: НА ШАЛЄНИМ БИЛИМ КАМ. („У едену на востоку“) (Макс) 1988. А. Островски: ЛЄС (Бодаєв) 1988. Б. Пекич: У ЕДЕНУ НА ВОСТОКУ (Макс) 1989. А. П. Чехов: ПИТАНКИ (Спитованє и Свадзба) (Димба) 1990. М. В. Ґоґоль: ЖЕНЇДБА (Анучкин) 1991. Петер Ґреґор: ЩЕШЛЇВЕ КРАЛЬОВСТВО (Осудзени) 1992. Дю. Папгаргаї: АГАФИЯ СТАРОГО ПОПА ДЗИВКА (Давид) 1993. Р. Куни: СЦЕКАЙ ОД СВОЄЙ ЖЕНИ (Боби Френколин) 1995. Дю. Папгаргаї: РОВНЯЦКИ СОБЛАЗНЇ (Дюра, Йовґен) 1999. Ж. Фейдо: ПАН ЛОВАР (Перши полиционер) 1999. К. Кизи: ДЛУГО СОМ БУЛ ОДСУТНИ (Банцини) 2000. М. Ковач: ГРИЦОВО ВОЯЧЕНЄ (Дїдо) 2002. М. Горки: НА ДНУ (Татар) 2003. Др Г. Костельник: ЄФТАЙОВА ДЗИВКА (Предняк 2, Церков.,Послуш.) 2004. О. Вайлд: ВАЖНЕ БУЦ ОЗБИЛЬНИ (Лейн) 2004. Р. Доманович: СТРАДИЯ (Старик, Посланїк, Граждан) 2005. Муза Павлова: КАРУСЕЛ (Ефим Иванов, Покойни) 2006. М. Канюх: ВЕЛЬКА ПТИЦА (Йосафат, дїдо) 2007. Б. Пекич: У ЕДЕНУ НА ВОСТОКУ (Заренко) 2009. Алдо Николай: ГАМЛЕТ У ПИКАНТНЕЙ МАЧАНКИ 2014. С. Орос: НАЦИОНАЛНА СТРАҐЕДИЯ

Литература

Дюра Латяк, „Янко Г. Рац, дипл. инж. польопривреди, ґлумец-аматерˮ, 50 роки Драмского меморияла Петра Ризнича Дядї, Завод за културу войводянских Руснацох, НВУ Руске слово и Дом култури Руски Керестур, Нови Сад, 2018, бок 180.

Вонкашнї вязи

Всоботу поховани ґлумец-аматер Янко Рац, Дюра Латяк/Мария Афич, Рутенпрес, 25. октобер 2021.