Чарлс Монро Шулц

Чарлс Шулц
Цале мено	Чарлс Монро Шулц
Датум родзеня	Датум родзеня
Место родзеня	Минеаполис, Америка
Датум шмерци	12. фебруар 2000. (77 роки)
Место шмерци	Санта Роса, Америка
Веб-сайт	peanutsstudio
Подпис

Чарлс Монро Шулц (26. новембер 1922 – 12. фебруар 2000) бул америцки карикатуриста и снователь стрипа Кикирики, дзе попри других, главни подоби Чарли Браун и Снупи. Трима ше же є єден з найзначнєйших карикатуристох шицких часох.

Шветову славу здобул зоз сериялом Кикирики, комичним стрипом хтори виходзел кажди дзень, скоро полни 50 роки, а почал 2. октобра 1950. по 13. фебруар 2000. Стрип виходзел у 75 державох по цалим швеце и преложени є на 21 язик. Точно 17.897 стрипи зоз сериялу видруковани за скоро 50 роки обявйованя.

Чарлс инспирацию за подоби у стрипу находзел у своїм живоце, та так даєдни прикмети пренєсол на Чарлия Брауна, а характеристики даєдних особох зоз свойого околїска на други подоби у стрипу.

После пол вику успиху надумал же би пошол до пензиї и закончел стрип, то було 3. януара. То зробел прето же, як гварел, його фамелия нє сце же би його стрип предлужел дахто други. На своїм остатнїм рисунку, Шулц написал же Кикирики бул сон його живота. Умар дзень пред тим як цо обявени його остатнї стрип.

Ма вельо награди за тот стрип, а єдно з найвекших припознаньох и гвизда зоз його меном на голивудскей дражки славних.

Литература

• Bang, Derrick (1999). 50 Years of Happiness: A Tribute to Charles M. Schulz. Santa Rosa, CA: Charles M. Schulz Museum. ISBN 0-9685574-0-6.
• Bang, Derrick, ed. (2003). Charles M. Schulz: Li'l Beginnings. Santa Rosa: Charles M. Schulz Museum. ISBN 0-9745709-1-5.
• Caron, James E. (2008). "Everybody Deserves a Security Blanket". Studies in American Humor. 17: 145–155.

Вонкашня вяза

• Schulz, Charles Monroe, S/SGT Together We Served. Дата обращения: 16 ноября 2019.
• Mendelson, Lee (1970).Charlie Brown & Charlie Schulz; in celebration of the 20th anniversary of Peanuts The World Publishing Company.