Циберей або циберея
Циберей або циберея (серб. боза, вост.сл. ciberej од мадяр. cibere ) – народни безалкоголни напиток хтори ше достава з ферментацию водовей розпущенїни кукурици (отрубох), цукру и квасу. Же би нє пили вельо води, людзе себе на польо ношели цибереї.
До глїняного гарчка положело ше квашиц отрубу, додало ше желєного копру, кващок або фалат хлєба и охабело 5-7 днї най ше кваши. Кед ше уквашело, шицко ше преварело и прецадзело на шитку. На польо ше ношело у плєценим коршове.
Нєшка ше циберею нє готови, алє ю стари людзе барз хвалєли и свою тїлесну моц приписовали циберейовому дїйствованю, окреме у горучави и пекоти, прето же засицує чловека и смяд одганя.
Прикмети: У цибереї єст Б витамини, та є одлична и за нервну систему. Ма у себе и витамину Ц, а квас (кващок) пробиотични кваснїци хтори помагаю черевовей флори и идеални су за претровйованє.
Литература
[ушориц | ушор жридло]- Словнїк руского народного язика II, О- Я, Филозофски факултет, Одсек за русинистику, Нови Сад 2017, б. 690
- Циберея — рецепт у Сучасней рускей кухарки, НВУ Руске слово, Нови Сад, 1987. рок, бок 170.
Вонкашнї вязи
[ушориц | ушор жридло]- Boza Википедия на горватским яику, 6. май 2013.
- Боза - рецепт за пририхтованє, www.posnajela.rs