Славомир Микловш


Славомир Микловш
Славомир Микловш (1996. року)
Крижевски владика
Церква	Грекокатолїцка церква Горватскей, Сербиї и Чарней Гори
Владичество	Крижевске владичество
Служел як владика	од 22. януара 1983.
Пензионовани	25. мая 2009.
Служба
Пошвецени	7. юния 1964. за паноца
Владическе пошвеценє	25. марца 1983. року
Особни податки
Родзени	16. мая 1934. у Дюрдьове, Кральовина Югославия
Умар	21. юлия 2011. року у Новим Садзе, Сербия

Монсиньор Славомир Микловш (*16. май 1934–21. юлий 2011), владика Крижевского владичества.

Биоґрафия

Славомир Микловш^[1] народзени 16. мая 1934. року у Дюрдьове. Оцец Симеон и мац Веруна родз. Ґнип. Славомир мал и пейц шестри: Амалу, Наталу, Мелану, Ганчу и Гелену.

Основну школу Славомир закончел у родним валалє. До класичней ґимназиї ходзел у Риєки и Пазину. Теолоґию студирал у Заґребе. Славомир Микловш бул пошвецени за свяшенїка 7. юлия 1964. року у родним месце Дюрдьове. Як капелан остал у духовней служби у Дюрдьове по 1968. рок.

Од 1968. по 1969. рок вон служел як священїк у Дюрдьове. Року 1969. Славомир Микловш постал канцелар Крижевского владичества и духовнїк у Грекокатолїцкей семинариї у Заґребу. Длужносц економа у Крижевским владичестве Славомир Микловш превжал 1974. року.

За владику грекокатолїцкого владичества у Крижевцох Славомир Микловш преглашени у Ватикану 22. януара 1983. року. За владику крижевского вон меновани 2. фебруара 1983. року, а владическе пошвеценє приял 25. марца 1983. року. Од 21. мая 1983. року Славомир Микловш служел як владика Крижевскей епархиї аж по одход до пензиї 2009. року.

Владика Славомир Микловш умар 21. юлия 2011. року у Новим Садзе у 77. року живота. Поховани є 23. юлия 2011. року у грекокатолїцкей катедрали св. Николая у Руским Керестуре.