Привреда

Приказ дружтвеного бруто продукту по жительови (у доларох), 2007. рок

Привреда, або економия, основна дружтвена дїялносц єдного дружтва. У узшим смислу, вона облапя продукцию, розподзельованє, черанку и трошенє продуктох и услугох. У ширшим смислу, привреда облапя шицки файти дїялносцох и услугох, хтори оможлївюю задоволєнє шицких чловекових потребох. Економия зложена зоз процесох, як цо то култура, вредносц, просвита, технїчни розвой, история, дружтвена орґанизация, политична структура, законодавна система и природни богатства, так же медзисобна повязаносц тих факторох условює єй функционованє.

Главни привредни дїялносци то польопривреда (найважнєйша привредна дїялносц), индустрия и рударство (найважнєйши у секундарним секторе), будовательство, ремеселнїцтво, транспорт (найважнєйши у терциярним секторе), тарґовина и туризем. Муши ше розликовац поняце национална привреда, хтора ше одноши на дїялносц у рамикох єдней держави, и шветова привреда, хтора ше одноши на ґлобалну дїялносц. Кажда держава ма свою привреду (националну), и на таки способ, у меншей або векшей мири, участвує у шветовей привреди.

Подзелєнє привреди

Спрам подобних прикметох хтори ґруповани до штирох секторох, привреда ше дзелї на:

• Продукцийни сектори

• примарни сектор и секундарни сектор

• Нєпродукцийни сектори

• терциярни и квартарни сектор

Примарни сектор

Польопривредни роботи

• Польопривреда
• Лови и риболов
• Лєсарство

Примарни сектор

Примарни сектор облапя продукцийни дїялносци, хтори маю циль продуковац поживово продукти за индустрию. До того сектору спадаю польопривреда и лєсарство. З помоцу польопривреди ше обезпечую поживово продукти и сировини хтори ше будзе прерабяц у индустриї, праве прето є найважнєйша дїялносц. Зоз польопривреду ше занїма найвекше число жительох.

Секундарни сектор

• Индустрия
• Рударство
• Будовательство
• Продукцийне ремеселство

Секундарни сектор

Секундарни сектор облапя продукцийни дїялносци, як цо то индустрия, будовательство и продукция. З помоцу машинох, сировини ше прерабя до полупродуктох и готових продуктох. Єдна часц индустриї ше занїма зоз експлоатацию сировинох зоз жеми (руди, угля, нафти и ґазу), а друга часц индустриї ше занїма зоз преробком сировинох минералного, рошлїнского и животиньского походзеня.

Терциярни сектор

Предавальня

• Транспорт
• Тарґовина
• Туризем
• Погосцительство
• Ремеселство
• Банкарство
• Комунална привреда

Квартарни сектор

• Просвита
• Наука
• Култура
• Информациї
• Здравство
• Социялна защита

Спрам способу продукциї и файти продуктох хтори ше достава, индустрия ше дзелї на:

• Чежка индустрия – облапя продукцию стредствох за роботу (машини) и предмети роботи (сировина, гориво). За тоту дїялносц потребни вельки укладаня, вельке количество енерґиї и сировини.

• Лєгка индустрия – облапя продукцию стредствох за широке трошенє, нє вимага вельки укладаня и поглєдує менєй енерґиї и сировини

Подзелєнє индустриї
Лєгка индустрия	Чежка индустрия
Прехрамбена индустрия	Рударство
Текстилна индустрия	Енерґетика
Индустрия древа	Металурґия
Индустрия догану	Машинобудовательна
Индустрия скори и обуї	Електоиндустрия
Лєгка хемийна индустрия	Чежка хемийна индустрия
Индустрия целулози и паперу	Будовательна индустрия
Индустрия ґуми	Машинска индустрия

Улога держави у привреди

Нєт привреди хтора ше розвива без уплїву держави. Кажда держава, у меншей або векшей мири, зоз применьованьом законох, уплївує на свою привреду и онєможлївює наставанє нємирох. Окрем того, кажда држава обезпечує стредства (прейґ порцийох) за плаци занятим роботнїком у дїялносцох як цо то: войско, просвита здравство.

Розвой привреди

На розвой привреди уплївую:

• Природни фактори (природни богатства,релєф,клима...)

• Дружтвени фактори (економско-политични, демоґрафски, економски, науково-технолоґийни...)

Вонкашнї вязи

• Привреда – основни характеристики и подзелєнє