Помаранче
| Помаранче | |
|---|---|
 | |
| Наукова класификация | |
| Царство | Plantae |
| Дивизия | Magnoliophyta |
| Класа | Magnoliopsida |
| Ряд | Sapindales |
| Фамилия | Rutaceae |
| Род | Citrus |
| Файта | C. ×aurantium Citrus |
| Подфайта | ×aurantium f. aurantium |
| Двойне мено | Citrus × aurantium |
Помаранче то гибрид цитрусох. Настало зоз крижаньом помела (Citrus maxima) и мандарини (Citrus reticulata). То мале жимжелєне древо високе до 19 метери. Квитки му били, пейцчленни, а плод то гиспердиюм. Помаранче то овоц рижних файтох цитрусох зоз фамилиї Rutaceae. Тота назва першенствено повязана зоз Citrus × sinensis[1], хтору ше наволує и сладке помаранче, же би ше розликовала од зродней Citrus × aurantium, хтору ше звичайно наволує горке помаранче. Сладке помаранче ше репродукує на нєполни способ (апомиксис през нуцеларни ембрион); сорти сладкого помаранчеца наставаю зоз мутациями[2].
Помаранче то гибрид медзи помелом (Citrus maxima) и мандарину
.jpg)
(Citrus reticulata). Ґеном хлоропласта, а з тим и мацеринска линия, припадаю помелови. Комплетни ґеном сладкого помаранчеца бул секвенционовани. Помаранче походзи зоз реґиону хтори облапя южни Китай, сиверовосточну Индию и Мянмар[3][4], а найвчаснєйше споминанє сладкого помаранчеца було у китайскей литератури 314 п.н.е. Спрам податкох з 1987. року утвердзене же помаранчецово древо медзи найвецей култивировану овоцу на швеце. Стебла помаранчеца ше масовно ховаю у тропских и субтропских климатских условийох пре їх сладку овоц. Плод помаранчеца мож єсц
швижи або ше го може прерабяц за продукцию соку або пре його пахняцу скору[5]. Спрам податкох зоз 2012. року сладки помаранчата творели приблїжно 70% продукциї цитрусох.
Року 2017. урожай помаранчатох у цалим швеце виношел 73 милиони тони. Бразил продуковал 24% вкупней шветовей продукциї, а шлїдзели Китай и Индия.
Ботанїцки информациї и терминолоґия
[ушориц | ушор жридло]Шицки стебла цитрусох припадаю єдному роду Citrus и оставаю такповесц у подполносци интерфертилни. Ту уключени ґрайпфрут, лимун, лимети, помаранчата и рижни други файти и гибриди. Понеже интерфертилносц помаранчатох и других цитрусох принєсла числени гибриди и сорти, а тиж так вибрани и мутациї пупчатох, таксономия цитрусох досц контроверзна, збунююца и нєдошлїдна. Плод було хторого цитрусного древа ше трима за хиспердиюм, односно за файту модификованей бобки, прекрити є зоз скорку хтора настала з нєровним загрубнуцом мура ваєчнїка[6].
Велї вариєтети файтох достали розлични мена. Помаранче ше першенствено одоноши на сладке помаранче - Citrus sinensis. Помаранчецово древо жимжелєне, кветне древо штреднєй висини од 9 до 10 m, а даєдни барз стари прикладнїки древа можу буц високи и 15 m. Їх елипсасте лїсце, навименково розпоредзене, длугоке од 4 до 10 cm и маю зарнасти рубци. Сладки помаранчата рошню у розличних велькосцох, а їх випатрунок ше руша од сферних по длуговасти. Нука под скору ше находзи порозна ткань, били, горки мезокарп або албедо. Плод то гиспердиюм и ма у себе числени розлични сеґменти, звичайно коло дзешец, спомедзи хторих кажди розгранїчени з мембрану и ма у себе велї везикули наполнєти зоз соком и звичайно даскельо нашеня (маґочки). Кед є нєузрети, полод желєни. Зарнаста нєправилна скорка узретого плода може буц од блядо помаранчецовей по жовто-помаранчецову фарбу, алє часто затримує желєни шпляхи або, под цеплима климатскима условиями, остава подоплно желєна. Як и кажда друга цитрусна овоц, сладке помаранче нєклимактеричне. Ґрупа Citrus sinensis подзелєна на штири класи зоз розличнима характеристиками: звичайни помарнчата, червени або пиґментовани помарначата, мегки (сочни) помаранчата и помаранчата без квашнїни.
Други ґрупи цитрусох тиж познати як помаранчата то:
- ♦ Мандарина (Citrus reticulata) то ориґинална файта цитрусох и вона родоначальнїк звичайного помаранчеца[7].
- ♦ Горке помаранче (Citrus aurantium), познате и як севильске помаранче, квашне помаранче (особлїво кед ше хаснує як подлога за древо сладкого помарнчеца), биґарада помаранче и мармаладове помаранче. Так як и сладке помаранче, вона помело х мандарински гибрид, алє вона настала зоз окремней гибридизацийней подїї.
- ♦ Берґамот (Citrus bergamia Risso), хтору ше ховало углавним у Италиї пре скорку, продукує примарну есенцию за парфеми, тиж так ше хаснує и за ароматизованє чаї Ерл Ґрей. То гибрид горкого помаранчеца ґу лимуну.
- ♦ Понцирус (Poncirus trifoliata), дзекеди уключена до роду (класификована як Citrus trifoliata ). Часто служи як подлога за стебла сладкого помаранчеца и других сортох цитрусох.
Барз вельке число сортох ма, подобнє як сладке помараче, мишанїну помела и мандарини. Даєдни сорти то гибриди мандарини и помела, ховани од истих родичох як и сладке помаранче (напр. танґор и понкан танджарина). Други сорти то гибриди сладкого помаранчеца и мандарини (напр. клементина). Прикмети мандарини углавним уключую менши и заокруглєни плод, лєгчейше ше им чисци скорка и менєй су квашни[8]. Помело прикмети уключую густи били албедо (на скори ядра, мезокарп) хтори блїзше повязани за сеґменти.
Стебла помаранчеца углавним каламени. Дно древа, уключуюци коренє и стебло, ше наволує подлога. а стебло хторе ноши плод ма два розлични мена: пупче (кед слово о процесу каламеня) и младнїк (кед ше спомина сорта помаранчеца).
Вонкашнї вязи
[ушориц | ушор жридло]Референци
[ушориц | ушор жридло]- ↑ „Citrus ×sinensis (L.) Osbeck (pro sp.) (maxima × reticulata) sweet orange”. Plants.USDA.gov.
- ↑ „Orange Fruit Information”. 9. 6. 2017
- ↑ Morton, Julia F. (1987).Fruits of Warm Climates. бок 134—142
- ↑ „Orange fruit nutrition facts and health benefits”.
- ↑ „Citrus sinensis”. Germplasm Resources Information Network (GRIN). ARS, USDA.
- ↑ Bailey, H. and Bailey, E. (1976). Hortus Third. Cornell University MacMillan. N.Y. p. 275
- ↑ Morton, Julia F. (1987).„Mandarin orange; In: Fruits of Warm Climates”. New Crop Resource Online Program. Center for New Crops and Plant Products, Purdue University. бок 142—145.
- ↑ „Tangerines (mandarin oranges) nutrition facts and health benefits”. nutrition-and-you.com.