Персона нон ґрата

Персона нон ґрата (лат. persona non grata - нєжадана особа) у дипломатичним словнїку значи нєжадана особа. Тот вираз ше хаснує у дипломатиї зоз специялизованим и правно дефинованим значеньом. То значи же дотичней особи забранєни уход до одредзеней жеми або оставанє у истей по одлуки влади тей жеми и же иста траци у тей жеми дипломатични имунитет. Процивносц од персона нон ґрата то персона ґрата. То любена особа, тота котра при предпоставених у милосци, визначна особа.

У дипломатиї

По члену 9 Бечскей конвенциї о дипломатичних одношеньох, держава приєму може у "каждей хвильки, без обовязки обгрунтовац свою одлуку" преглашиц гоч котрого члена дипломатичного персонала за персону нон ґрата. Нєжадана особа ше зоз тим преглашує за нєприлапююцу, и звичайно будзе оповолана до своєй матичней жеми. Кед нє будзе оповолана, держава приєму „може одбиц припознац дату особу як члена мисиї”.

Институт персона нон ґрата ше медзи иншим хаснує за вируцованє дипломатох котри под сумню за шпиюнажу (активносци котри у нє у складзе зоз їх статусом), або як символични указатель нєзадовольства ( наприклад, италиянске вируцованє єгипетского першого секретара 1984. року). Взаїмни вируцованя у двох жемох ше случовали окреме под час Жимней войни, а нєдавно и медзи Зєдинєнима Державами и Венецуели.

Догварка у Лозани 1923. року уключовала и список 150 нєжаданих особох у Турскей, котри бранєл уход до Турскей углавним за ґрупу службенїкох зоз Османского царства, як и за коло 100 други особи, док тот статус нє подзвигнути 1938. року.

Курт Валдгайм, бивши ґенерални секретар ЗН и бивши предсидатель Австриї достал статус персона нон ґрата у велїх европских жемох, и у ЗАД, кед бул обтужени же знал за нацистични злодїйства под час Другей шветовей войни, а нє поробел нїч же би их зопар.

Нє-дипломатичне хаснованє

У нє-дипломатичним хаснованю, повесц за даєдну особу же є персона нон ґрата значи же тота особа одстранєна зоз даякей ґрупи, и же за тоту ґрупу фиґуративно нє постої.

Вонкашнї вязи

• eDiplomat.com: Глосар дипломатских израза

• Текст Бечке конвенције - ПДФ