Михайло Рамач (новинар)
| Михайло Рамач | |
|---|---|
 | |
| Народзени | 7. авґуста 1943. |
| Умар | 12. октобра. 2018 (75) |
| Державянство | югославянске, сербске |
| Язик творох | руски |
| Школа | ґимназия, Нови Сад |
| Универзитет | Виша економско–комерциялна школа, Нови Сад
Економски факултет, Суботица (абсолвент) |
| Период твореня | 1964—2004. |
| Жанри | радио новинарство, новинар и гл. редактор на ТВ |
| Поховани | на теметове у Новим Садзе |
Михайло Рамач (*7. авґуст 1943—†12. октобра. 2018), новинар и редактор у Радио Новим Садзе и главни и одвичательни редактор Рускей редакциї на ТВ Нови Сад.
Биоґрафия
[ушориц | ушор жридло]Михайло Рамач народзени 7. авґуста 1943. року у Дюрдьове. Оцец Мирон Рамач и мац Леона нар. Баран. Михайло Рамач мал брата Любомира. Основну школу Михайло Рамач закончел у Дюрдьове, ґимназию у Новим Садзе, потим Висшу економско–комерциялну школу у Новим Садзе, та абсолвовал на Економским факултету у Суботици. Познєйше, усовершуюци ше у фаху, Михайло Рамач закончел Новинарску школу Югославянского институту за новинарство зоз Беоґраду.
Нєполни штири роки Михайло Рамач робел у Будовательним подприємстве Трудбеник и Индустриї меса Венац (нєшкайша Неопланта) з Нового Саду.
До Радио Нового Саду пришол 19. марца 1968. року. Як сотруднїк писал прилоги зоз привредней проблематики за теди єдину информативну емисию – Радио новини. Бул єден з новинарох хтори ушорйовали дньову информативну емисию, а вєдно зоз Мироном Жирошом пририхтовал 45-минутову Емисию за валал. Кед 1975. року почало емитованє ТВ програми Михайло Рамач, вєдно зоз другима новинарами, знїмал прилоги зоз привреди, польопривреди и валалскей тематики.
Кед 1. априла 1981. пришло до дзелєня заєднїцкей новинарскей часци рускей Редакциї на Радио и на ТВ редакцию, а з тим и до формованя окремней ТВ редакциї, теди и Рамач прешол до ТВ редакциї у рамикох ТВ Нови Сад. О кратки час є поставени за главного и одвичательного редактора. Рамач на тим месце бул нєполни два мандати кед є 1988. року, у ткв. Йоґурт револуциї, у политичней чистки кадрох, розришени з длужносци.
Михайло Рамач бул оженєти зоз Наталию Рамач Паплацко и з ню мал двойо дзеци, сина Ивана и дзивку Ану.
Михайло Рамач бул наградзени за програмски витвореня, и за авторски прилоги у Емисиї за валал, хтора преглашена за найлєпшу на Фестивалу радия у Охриду, дзе участвовали шицки републични и покраїнски радио станїци зоз цалей СФРЮ. Достал и Плакету РТ Войводина и ище даскельо припознаня, а до пензиї пошол 1. мая 2004. року.
Михайло Рамач умар у Новим Садзе 12. октобра. 2018. року. Поховани є на теметове у Новим Садзе.
Ґалерия
[ушориц | ушор жридло]-
Руска редакция 1974/75. Михайло Рамач стої цалком на параво. -
Руска редакция РНС у другей половки 1974. року. Михайло Рамач кучи цалком на право.
Литература
[ушориц | ушор жридло]- Ґрупа авторох, „Йоґурт-револуцияˮ, Гласи и часи, 70 роки Рускей редакциї Радио Нового Саду, Новинарска асоцияция Руснацох - НАР, Нови Сад 2019, б. 90
Вонкашнї вязи
[ушориц | ушор жридло]- Ин мемориям обявени у Руским слове Умар Михайло Рамач, Рутенпрес, 12. октобер 2018.
- Ин мемориям обявени на РТВ Preminuo novinar RTV Mihajlo Ramač. RT Vоjvodina, 12. oktobar 2018.
- СТРОГИ АЛЄ ПРАВЕДНИ Приповеда Михайло Рамач, дакедишнї главни и одвичательни редактор Рускей редакциї ТВ Нови Сад, автор прилогу Славко Орос