Милутин Ґубаш
| Др Милутин Ґубаш | |
|---|---|
| Народзени | 1893 |
| Умар | 1974. (81) |
| Державянство | австроугорске, югославянске |
| Язик творох | руски, сербски |
| Школа | Ґимназия, Нови Сад |
| Универзитет | Медицински факултет, Будапешт, Прага |
| Период твореня | 1918—1958. |
| Жанри | медицина, култура |
| Поховани | |
Др Милутин Ґубаш (*1893—†1974.) лїкар, дїяч у кулутри, активиста Културно-просвитного союзу югославянских Руснацох.
Биоґрафия
[ушориц | ушор жридло]Милутин Ґубаш народзени 1893. року у Дюрдьове у землєдїлскей фамелиї. Основну школу закончел у родним валалє, Сербску ґимназию у Новим Садзе, а потим ше уписал на Медицински факултет у Будапешту, предлужел студиї у Праги, дзе и дипломовал. По законченим обовязним лїкарским стажу др Милутин Ґубаш почал робиц як лїкар у Амбуланти державней желєзнїци у Новим Садзе, дзе робел цали роботни вик. Паралелно з тим, лїчел жительство, обичних роботнїкох и худобу на новосадским населєню Телеп.
Окрем сербского и руского, др Милутин Ґубаш знал по нємецки, мадярски и чески. Важел за велького гуманисту, участвовал у акцийох за зберанє помоци худобним дзецом и за тоту роботу достал вецей припознаня подзековних гражданох.
Др Ґубаш бул єден зоз сновательох и перши предсидатель Културно-просвитного союзу югославянских Руснацох, редактор и финансиєр новинки Заря хтора виходзела од 1936. по початок войни, у априлу 1941. року. Коло новинки ше сходзели руски интелектуалци хтори ше закладали за врацанє поунияцених Руснацох зоз грекокатолїцкей до православней вири, як же би ше чежиско Руснацох унапрямело ґу Русиї, а нє ґу України. Др Милутин Ґубаш тримал и закладал ше за тото же би Руснаци мали можлївосц вибору у одношеню на вирску припадносц, як и вибору у воспитаню у одношеню вибор за гражданску або вирску опредзелєносц.
Др Милутин Ґубаш умар 1974. року.
Вонкашнї вязи
[ушориц | ушор жридло]- Др Милутин Ґубаш, вебсайт НАР Новинарска Асоцияция Руснацох, новембер 6, 2019.