Лепа ката
| Наукова класификация | |
|---|---|
| Царство: | Plantae |
| Ряд: | Asterales |
| Фамилия: | Asteraceae |
| Род: | Callistephus |
| Файта: | Callistephus chinensis |
| Синоними | Aster chinensis L.,
Aster regalis Salisb., Diplopappus chinensis (L.) Less., Amellus speciosus Gaterau |
Лепа ката або лепе (лат. Aster chinensis L., превжате зоз сербского лепа ката) часта єднорочна украсна рошлїна, по походзеню з Китаю. Квитнє од авґуста по початок жими. Єст рижни вариєтети: по фарби – била, белава, лилова, червена, целова; по висини – нїзка и висока (20 до 100 центи), з простима и полнима квитками. Кед лепей кати на квитку лїсточка покандрасцени, вола ше бурава ката.
Походзенє назви – мено астер походзи од латинского слова Aster, цо значи гвизда.
Опис рошлїни - конарчок лепей кати длугоки, моцни, розконарени або лабдастей форми. За розлику од другого квеца, лепе ше нє видлужує на слунку, затримує свою красну форму як куля, алє подноши и полуцинь. Же би ше назберало нашеня, рошлїну треба пущиц най преквитнє и формує нашенє. Шеє ше у марцу и априлу на отворене, глїбоко коло 2 центи, при чим потребна минимална температура од 18 ступнї же би нашенє зишло. Кореньова система лепей кати барз плїтка и розвива ше лєпше на нїзших температурох з присуством досц влаги.
Хаснованє – лепу кату ше хаснує як швиже квеце, натаргане и може длуго отримац швижосц у води.
Литература
[ушориц | ушор жридло]- Енциклопедия Нового Саду 12, КОС - ЛЕР, Нови Сад 1999, б. 127
- Оксана Тимко Дїтко, Назви рошлїнох и животиньох у руским язику, Вуковар 2016, б. 44, 65
- Радмила Шовлянски, Словнїк защити рошлїнох и животного стредку, сербско-руско-латинско-анґлийски, б. 339
Вонкашнї вязи
[ушориц | ушор жридло]- Лепа ката мистер микс oroseeds.rs
- Лепа ката plantea.com.hr