Лаванда
| Lavandula angustifolia | |
|---|---|
 | |
| Наукова класификация | |
| Царство:
Дивизия: Класа: Ряд: Фамелия: Род: Файта: |
Plantae
Magnoliophyta Magnoliopsida Lamiales Lamiaceae Lavandula L angustifolia |
| Биномне мено | |
Lavandula angustifolia
Mill. | |
Лаванда (лат. Lavandula, angustifolia Mill, слов. levenda, мадяр. levendula) у язикох штреднєй Европи достала рижни фонетски випатрунки – вецейрочна рошлїна черякастей форми, висока до 60 цм, по походзеню з Америки. Одомашнєла ше на каменїстих теренох Медитерану. У нас ше пестує у заградкох.
Випатрунок и состав
[ушориц | ушор жридло]Лїсточка лаванди узки, шивкстей фарби и оброснути з власками, а квитки дробни, белавкасти, зложени и длугоких ґириздочкох и барз пахняци. Маю у себе 1-3% етерского олєю, та ше их прето хаснує у народней медицини и фармацеутскей индустриї, парфимериї и козметики.
Хаснованє
[ушориц | ушор жридло]Як тею (чай), помишану з другима лїковитима рошлїнами, або у форми готових лїкох, лаванду ше хаснує як благи седатив при знємиреносци, нєспаню, вичерпаносци. Може уплївовац и на вилучованє жовчу, а добре дїйствує и при корчох и зужованю черевох пре нервне надраженє, при хоротох гарла, и то у форми теї або ингалованя, та теди служи и за цдезинфекцию.
Нашо ґаздинї осушену лаванду кладу до орманох медзи шмати ше би достали приємни пах, алє и же би ше розогнало моль, суньоґи и други инсекти. Лаванду ше хаснує и за правенє пахняцей купки. Прави ше и заглавки наполнєти з осушенима квитками тей рошлїни.
Пошекани лїсца лаванди ше у медитеранскей кухнї служи як присмачку.
Литература
[ушориц | ушор жридло]- Гостушки, Р: Лечење лековитим биљем, Народна књига, Београд, 1979.
- Јанчић, Р: Сто наших најпознатијих лековитих биљака, Научна књига, Београд, 1988.
- Туцаков, Ј: Лечење биљем, Рад, Београд, 1984.
Вонкашнї вязи
[ушориц | ушор жридло]- LAVANDA – Od mirisnog ulja, preko eliksira za želudac do insekticida
- Лаванда, Википедија на српском језику