Клобучки
| Клобучки | |
|---|---|
 | |
| Наукова класификация | |
| Царство: | Plantae |
| Кладус: | Tracheophytes |
| Кладус: | Angiospermae |
| Кладус: | Eudicotidae |
| Кладус: | Asterids |
| Ряд: | Solanales |
| Файта: | C. sepium |
| Биномне мено | |
Calystegia sepium
(L.) Scop | |
Клобучки (лат. Calystegia sepium, дем. клобучок од турцизма клобук у метафизичним значеню. Можлїве же преношеню назви помогнул и сербизем клобучић у значеню Aconitum, або слц.диял. klobúšiki у зн. Convolvulus, Campanula, серб. ладолеж, укр. плетуха звичайна, поль. kielisznik zaroślowy, рсй. повой заборный, чес. оpletník plotní) – рошлїна з фамилиї Convolvulaceae, розширена вшадзи по швеце.
Опис рошлїни
[ушориц | ушор жридло]Клобучки вецейрочна рошлїна з полєгаюцим стебелком, длугока до 3 метери, хтора ше обвива коло других рошлїнох, предметох, оградох итд.
Корень идзе до широка, моцни є, месати, ридко рошнє глїбше як 30 центи. Лїсца стреласто шерцоподобней форми. Квитки поєдинєчни, вельки, тевчирастей форми, били або целово. Єдна рошлїна дава штреднє од 100 до 400 нашеня хторе сходзи звичайно на яр. Розмножує ше з нашеня, кореня и тиж так и з над'жемнима вигнанцами, хтори пущаю корень на месце дзе ше доруша зоз жему.
Значносц – Клобучки барз розширене коровче и рошню на вшелїякей жеми – на оранїнох, у винїцох и овоцнїкох, коло плотох и на меджох. Найчастейше их єст у кукурици. То жилаве и одпорне коровче и чежко го викоренїц пре моцни корень зоз хторого ше лєгко реґенерує. Статок го дзечнє є, а менше количество добре дїйствує на млєчносц. У даєдних жемох клобучки єдза и людзе.
Украсни форми - Єст даскельо файти клобучкох хтори ше пестує як квеце - цагаче, хторим квитки лилово, целово або белави. Клобучки маю и лїковите дїйство и медоносна су рошлїна. Пестовани клобучки єднорочни, високи и до 2.5 метери. Барз швидко рошню кед ше им обезпечи адекватне допатранє. Прикрашую кажди балкон, терасу, та аж и мур и шицко за цо ше можу влапиц и ґрабац. Рошлїна ше без проблема сама розмножує з розсипованьом велїх нашенькох. Клобучком одвитує ослунковане место або полуцинь у заградки. Нашенє клобучкох ше шеє директно до жеми, од априла до юния (глїбоко 1-2 центи). Рошлїни барз швидко зиду и нєодлуга почню квитнуц. Клобучки рошню як цагаче, любя буц барз заляти, прикармени и защицени од хоротох.
Литература
[ушориц | ушор жридло]- Оксана Тимко Дїтко, Назви рошлїнох и животиньох у руским язику, Вуковар 2016, б. 26, 62
Вонкашнї вязи
[ушориц | ушор жридло]- Ладолеж Википедија на српском језику, sr.wikipedia.org
- ladolez-balkonsko-cvece-odlicna-penjacicabrzog-rasta/, вебсайт prodajasemena.com
- ladolez/, вебсайт prodajasemena.com