Прейдз на змист

Иван Поп

Материял зоз Википедиї
Иван Поп
Файл:Поп Иван Иванович.jpg
Народзени 26. априла 1938.
Умар 14. септембра 2023. (86)
Державянство чехословацке, ческе
Язик творох русински, анґлийски, русийски
Универзитет история, универзитет у Ужгородзе, Москва
Наукови ступень доктор историйних наукох
Период твореня 1967-2023
Жанри история, политиколоґия, образованє
Поховани
Припознаня Титула Русинска особа 2018. року

Иван Поп (* 26. април 1938. † 14. септембра 2023), русински науковец, историчар, политиколоґ и професор.

Биоґрафия

[ушориц | ушор жридло]

Иван Поп народзени 26. априла 1938. року у валалє Страбичов у Чехословацкей. Студирал историю на Ужгородским универзитету. Под час студийох бул уцагнути до виконструованого процесу та 1960. року бул вируцени з универзитета и послати на „превоспитованєˮ ґу роботней класи.

Студиї Иван Поп закончел у Москви дзе почал и свою наукову роботу. Од 1967. року робел як наукови роботнїк на Институту славистики и балканистики Совєтского союзу. У периодзе такволаней „гласносциˮ и демократизациї у тедишнїм Совєтским союзу Иван Поп бул од 1989–1992. року главни одвичательни редактор славистичного часопису Славяноведениє.

Борец за статус Русинох

[ушориц | ушор жридло]

Иван Поп бул русински историчар, русиниста, културолоґ и политиколоґ хтори зоз свою роботу помагал утврдзовац самобитносц русинского народу у штреднєй Европи.

Иван Поп ше 1992. року врацел на универзитет до Ужгороду дзе бул меновани за руководителя Институту карпатолоґиї и вєдно з другима почал робиц на тим же би ше припознало самосвойносц Русинох и автономия Подкарпатскей руси на України. По розпадованю СССР Иван Поп ше наздавал же ше розпаднє и такволана Ялтска система чия жертва була цала Подкарпатска Рус. Наздавал ше же ше його родзени край враци до составу штреднєй Европи, верел до того же ше медзидержавна догварка Чехословацкей и СССР з 1945. року понїщи. Медзитим, тото його триманє наишло на тварди централизем и унитаризем України як пошлїдки идолоґиї українского национализма.

Року 1994. Иван Поп мушел зоз свою фамелию напущиц Україну и преселєл ше до Хебу у Ческей Републики дзе, практично, жил у еґзилу до конца живота.

Автор є велїх значних кнїжкох

[ушориц | ушор жридло]

Автор є кнїжкох о Чехословацкей дипломатиї 1930-их и 1940-тих рокох , о историї ческей уметносци, бул коавтор кнїжки Кратка история Чехословацкей, та кнїжкох о памяткох на Подкарпатску Рус.

Иван Поп видал Енциклопедию Подкарпатскей руси (писана є по русийски), вєдно зоз професором Павлом Робертом Маґочийом бул коавтор Енциклопедиї историї и култури карпатских Русинох (видата є на анґлийским и українским язику). По чески Иван Поп написал кнїжки Подкарпатска рус (2005), История подкарпатскей руси у фактох (2005), Подкарпатска Рус – особеносци историї, науки и култури (2008). Як автор сценарийох участвовал на правеню документарних филмох Душа Карпатох (2013) У намиряню суперсилох (2017) и Подкарпатска русинска мадярска школа (2018).

Руска матка 2021. року преложела и видала кнїжку Ивана Попа Мала история Руснацох хтору у ориґиналу видало Здруженє интелиґенциї Русинох Словацкей.

Иван Поп бул преглашени за Русинску особу 2018. року, и постал шеста по шоре особа хтора була достойна тей титули.

Иван Поп ше упокоєл 14. септембра 2023. року у варошу Хебу у Ческей Републики у 86. року живота.

Литература

[ушориц | ушор жридло]

POP, Ivan. Podkarpatská Rus : osobnosti její historie, vědy a kultury. Praha: Libri, 2008. 311 s. ISBN 978-80-7277-370-1. Heslo Ivan Pop, s. 125.

Вонкашнї вязи

[ушориц | ушор жридло]

Референци

МЕДВІДЬ, Петро. Вмер вызначный русиньскый ученый, історік Іван Поп. www.lem.fm [online]. 2023-09-14 [cit. 2023-09-15]. Dostupné online. (rusínsky)

Превьате зоз "https://rsk.wikipedia.org/w/index.php?title=Иван_Поп&oldid=6781"