Гласнїк Руского Дружтва Сиверней Америки
Гласнїк Руского Дружтва Сиверней Америки[ушориц | ушор жридло] | |
|---|---|
| Тип | Почасови информативни билтен |
| Формат | А4 |
| Власнїк | Руске Дружтво Сиверней Америки |
| Видаватель | Rapid Gear Company |
| Главни редактор | Ґавра Колєсар |
| Снованє | 30. децембра 1995 |
| Язик | руски |
| Шедзиско | 1596 Strasburg Road, Kitchener, ON |
| Варош | Киченер, ОН |
| Тираж | 180 прикладнїки |
| Конєц видаваня | децембер 2000. |
| Вебсайт | Веб бок РДСА |
Гласнїк Руского Дружтва Сиверней Америки бул информативни билтен того дружтва и дзелєни є його членом у Канади и ЗАД.
Снованє Гласнїка
[ушориц | ушор жридло]На сновательней схадзки Руского Дружтва Сиверней Америки (РДСА), хтора отримана 30. децембра 1995. року у варошу Киченер у провинциї Онтарио у Канади, була предложена и идея же би ше почасово видавало єден информатор або билтен РДСА хтори би информовал членство того Дружтва о тим цо зробене у цеку рока и яки ше активносци пририхтує у наступним периодзе а у рамикох рочного плана РДСА.
Перше число того билтена под назву Гласнїк Руского Дружтва Сиверней Америки вишло у авґусту 1996. року. Билтен мал на початку 6 боки, пририхтовал го Гавриїл Колєсар а у Редакциї були ище Михайло Будински и Владислав Надьмитьо (познєйше у Редакциї гласнїка були и Мелания Колбас, Любомир Медєши и Владимир Рац). Друге число Гласнїка вишло у децембре истого року. Тот гласнїк у своєй жридловей форми виходзел у Канади по конєц 2000. року. У тим 5-рочним периодзе видати вкупно 16 числа билтена на 178 бокох А4 формата под редакторством Гавриїла Колєсара. З рока на рок Гласнїк мал вше вецей боки (остатнї числа од 16-20 боки, штреднє Гласнїк мал 11 боки по чишлє) и вше доцильнєйше окончовал информованє членох РДСА. Од 10-числа рамики Гласнїка (перши и остатнї бок) були у колору.
Тематски профил Гласнїка
[ушориц | ушор жридло]У Гласнїку РДСА були обявйовани тексти на тоти змисти: о лєтнїх руских пикникох у Онтарию, Алберти, та у Нємецкей и Швайцарскей, як и о жимским балу. Давани основни податки о нових приселєнцох, о дипломованю младих Руснацох на универзитетох и коледжох, о духовним живоце Руснацох, о Крачунє, Велькей ноци, традицийних руских єдлох, були наявйовани пикники и бали, о видатих руских кнїжкох, аудио касетох и видео касетох, о Руснацох хтори ше упокоєли у Канади и ЗАД, о Руснацох у жемох Европи и Австралиї, интервюи зоз давнима уселєнцами, о свадзбох у руских фамелийох, порушовани акциї за финансийне помаганє видаваня руских кнїжкох у Войводини, о руских вебсайтох на интернету.
Концом 2000. року Гавриїл Колєсар задзековал на длужносци редактора Гласнїка РДСА. Тоту длужносц превжал Любомир Медєши зоз Саскатуну у Саскачевану и тот билтен пошол зоз Онтария. Нєодлуга пременєл назву з чим ше, и формално, живот першобутного Гласнїка Руского Дружтва Сиверней Америки цалком загашел.
Частейши сотруднїки-авторе у Гласнїку РДСА:
[ушориц | ушор жридло]Михайло Баран, Нємецка
Михайло Будински, Киченер
Амалия Дудаш, Едмонтон
Гавриїл Колєсар, Киченер
Людмила Колєсар, Брантфорд
Любомир Медєши, Саскатун
Владислав Надьмитьо, Киченер
Славомир Олеяр, Торонто
Владимир Рац, Едмонтон
Ґабриела Сабадош, Киченер
Миронь Жирош, Мадярска
Илустрациї або фотоґрафиї:
[ушориц | ушор жридло]Мелания Колбас, Киченер
Ивица Яни Сеґеди, Киченер
Вонкашнї вязи
[ушориц | ушор жридло]Гласнїк РДСА, линки за шицки числа