Гвозд

Гвозди

Гвозд то споююце средство хторе служи за механїчне повязованє двох материялох. З випатрунком здабе на палїчку, ролю або на осовину хтора на єдним боку ма кончисту часц а на другим преширенє пре лєгчейше забиванє.

Хасную их столаре, цимерманє, ципеларе, тапетаре, склєняре и велї други. До материялох ше заджобує з удуркованьом, найчастейше хаснуюци млаток, гоч постоя и други алати хтори окончую исту наменку алє су електрични, пнеуматични и под. Пожадано хасновац рукавици як защитне средство од калїченьох. Гвозди ше найчастейше правя з мегчейшого желєза, з поступком машинского кованя. Желєзни гвозди ше продукую з так вол. масовну продукцию та им цена углавним нїзка. Найчастейше ше удуркую до древа, алє можу и до мура и до других материялох. Длужина им од 1 cm до 20 cm а пречнїк од 1 до 6-7 mm. Гвозди можу буц, по потреби, прецагнути з даяким нєардзуюцим материялом бо их у аґресивних околїскох напада корозия. Гвозди можу буц и зоз древа. Мали древени гвозди без главкох хасную ципеларе и вони ше удуркую до скори тє. до обуї. Таки ципели ше волали колчковани. Були чежши од лїпених алє ше тримало же длужей служа. Кажда струка хаснує гвозди спрам своїх потребх. Ципеларски древени гвозди нє маю главу, тапетарски (райснеґли) кратки алє з вельку главу, столарски за ламперию оккреме ценки и под. Постоя гвозди за древо, мур, бетон.)

История

Гвоздарска роботня краля Нортона, ґравура Хенрия Мартина Попа (1843-1908)

История гвоздох подзелєна до трох розличних периодох:

• Ручно ковани (ковани) гвозд (предистория до 19. вику)

• Резани гвозди (дас 1800-1914)

• Дротови гвозди (дас 1860. по нєшка)

Од позних 1700-их до штред 1900-их, цени гвоздох спадли за фактор 10; од теди цени гвоздох благо поросли, часточно отримуюци роснуце ценох материялох и поцагованє спрам специялних гвоздох.

Референци

1 https://www.archtoolbox.com/types-of-nails/ „Fasteners - Nails” archtoolbox.com.

2 https://www.3dfindit.com/en/keywords/Nail%20(fastener) „Nail (fastener)” b2b.partcommunity.com.

3 https://www.popularmechanics.com/home/tools/how-to/a18606/nails-vs-screws-which-one-is-stronger/ „FASTENERS (mostly about types of nails and screws)” gvsu.edu.

4 https://www.fastenerdata.co.uk/nail „History of the Nail” fastenerdata.co.uk.

5 Sichel, Daniel E. https://www.nber.org/papers/w29617 „The Price of Nails since 1695: A Window into Economic Change”

Вонкашнї вязи

• UK DIY site - description of different types of nails

• Nail forging movie