Брилянтин (филм)


Брилянтин
John Travolta and Olivia Newton-John2 Оливия Нютн Джон и Джон Траволта (у улогох Сенди и Дени)
Жанр	мюзикл романтични филм
Режия	Рендал Клайзер
Сценарио	Алан Кар Бронте Вударт
Продуцент	Роберт Стиґвуд Алан Кар
Главни улоги	Джон Траволта Оливия Нютн-Джон Стокард Ченинґ Джеф Конавей
Музика	Майкл Ґибсон Писнї: Джим Джейкобс Ворен Кейси Джон Фарар
Кинематоґрафия	Бил Батлер
Видавательна хижа	Paramount Pictures
Студио	RSO Records
Рок 1978.	1978
Тирвнє	110 минути
Жем	Зєдинєни Амерцки Держави
Язик	анґлийски язик
Буджет	6 милиони долари^[1]
Заробок	394 милиони долари
Шлїдуюци	Брилянтин 2
Веб-сайт	www.greasemovie.com
IMDb вяза

Брилянтин (анґл. Grease) америцка романтична музична комедия, у виданю Парамаунт Пикчерс ^[2], у режиї Рендала Клайзера. Филм зняти на основи музичней представи зоз исту назву, Ворена Кейсия и Джима Джейкобса зоз 1971. року. У филму главни улоги: Джон Траволта и Оливия Нютн Джон. Тирванє филма 110 минути.

Премиєра филма була у Нюйорку 16. юния 1978. року. Посцигнути нєвироятни успих, як при критичарох, так и у финансийним поглядзе, так же є преглашени за филм хтори витворел найвекши финансийни заробок у тим року^[3]. Попри других филмох шветовей кинематоґрафиї и тот филм на початку достал велї неґативни и позитивни критики. Заробел коло 400 милиони долари зоз биоскопских уходнїцох и єден є спомедзи музичних филмох зоз найвекшим заробком^[4]. У ЗАД тот филм и надалєй найпрофитабилнєйши музични филм вообще, и номиновани є за Оскара за найлєпшу ориґиналну писню.

Предлуженє того музичного филма, Брилянтин 2, зняте 1982. року и у нїм бавя лєм даскелї ґлумци зоз першого филму. Главни улоги у тим Брилянтину маю Мишел Файфер и Максвел Колфилд^[5].

О филме

У чаше реализациї филма обчекованя нє були вельки. Обчековало ше же медзи патрачами будзе найвецей младши особи, алє нїхто нє обчековал же филм постанє голивудски класик и же интересованє за ньго будзе тирвац децениями на цалей жемовей кулї и медзи патрачами шицких возростох. Филм зняти за два мешаци и коштал 6 милиони долари.

Режисер Рендал Клайзер вибрал за главни улоги уж познатих ґлумцох. Джон Траволта уж бавел у познатим гиту Saturday Night Fever, и Оливия Нютн Джон уж була гвизда. И Траволта жадал же би вона була у главней улоги, алє ше Оливия обавала прето же була пейц роки старша од нього и думала же є пребарз стара бавиц у филме улогу його дзивки. После першого пробного знїманя заш лєм пристала бавиц у филме.

Збуванє

Збуваня у филме ше одвиваю 1959. року у штреднєй школи Райдел. Дзивки и леґинє маю свойо нєформални дружтва, хлапцох предводзи Дени Зуко (ґлуми Траволта), а дзивчата Рицо (ґлуми Стокард Ченинґ).

Шицки дзивчата заврацени за Денийом, алє ше шицко меня после його краткей лєтней романси зоз австралиянку Сенди Олсон (Оливия Нютн Джон). Дени и Сенди, нє знаюци же су школяре истей школи, стретаю ше и окреме Сенди зоз тим одушевена. На початку, Дени ровнодушни ґу нєй, лєм прето же би го пайташе нє вишмейовали и же би затримал имидж главного.

Пошвидко, Дени постава свидоми же нє може скривац чувства и виявює Сенди любов.

Под час змаганя у танцу, Дени и Сенди танєчна пара. Дени ше заноши и предлужує танцовац зоз другу дзивку и на тот його крочай ше Сенди барз нагнївала и напущує галу за танцованє. После одредзеного часу, Сенди приходзи патриц змаганє у обегованю автох медзи Денийом и його процивнїком. Дени одноши побиду.

По законченю школского року отримує ше забава за шицких школярох. Сенди, зоз помоцу своїх пайташкох, меня цалосни свой випатрунок, Дени зоз ню одушевени и конєчно ше миря и оставаю вєдно.

Награди и номинациї

Филм Брилянтин 1978. року номиновани у даскелїх катеґорийох за награду Златни ґлобус:

◆За найлєпши бавени филм (музични и комични);

◆ Нютн Джон за главну женску улогу у бавеним филме (музичним и комичним);

◆ Траволта за главну хлопску улогу у бавеним филме (музичним и комичним);

◆ Grease и Youre The One I Want за найлєпшу и ориґиналну писню.

Филм 1979. року достал даскельо награди:

◆ награду Goldene Leinwand (Златни екран);

◆ награду People's Choice Award (Награда публики) достал у катеґориї Облюбени музични филм и Облюбени вообще, а Оливия Нютн Джон у катеґориї Облюбена ґлумица;

◆ Hopelessly Devoted To You номинована за Оскара за найлєпши ориґиналну писню;

◆2006. року, филм достал награду Сателит у катеґориї Найлєпши класик на ДВД;

◆2008. року писня You're The One I Want номинована за америцку награду TV Land Award у катеґориї Movie Dance Sequence You Reenacted in Your Living Room (Филмска танєчна сцена хтору сце презняли у своєй дньовей хижи).

У проєкту 100 роки АФИ-я (Америцки филмски институт) филм ше находзи у даскелїх катеґорийох:

◆У катеґориї 100 роки АФИ-я — 100 любовних приповедкох, тот филм ше находзи на 97. месце;

◆У катеґориї 100 роки АФИ-я — 100 любовних писньох, писня Summer Nights ше находзи на 70. месце;

◆У катеґориї АФИ-я — найлєпши музични филм, тот филм ше находзи на 20. месце.

Албум зоз писнями

Истого року кед зняти филм Брилянтин, обявени и музични албум писньох зоз истого филму. Тот албум на познатей лїстини Bilbord 200 у 1978. року завжал 2. место6^[6].

Писнї зоз филма, як цо то писня You're The One I Want, Hopelessly Devoted to You, Summer Nights и Greased Lightnin ше зявели як гити на музичних топ лїстинох^[7].

Джон Траволта и Оливия Нютн Джон 2012. року першираз после филма Брилянтин шпивали вєдно и зняли албум на спомин Джонового сина Джета, хтори умар 2009. року. Албум зняти за фондацию Джет Траволта и фондацию за борбу процив рака Оливиї Нютн Джон у Мелбурну^[8].

Писнї на албуме:

◆Love is a Many-Splendored Thing

◆Grease

◆Alma Mater

◆Summer Nights

◆Rydell Fight Song

◆Look at Me, I'm Sandra Dee

◆Hopelessly Devoted to You

◆Greased Lightnin'

◆La Bamba

◆It's Raining on Prom Night

◆Whole Lotta Shakin' Goin' On

◆Beauty School Dropout

◆Rock n' Roll Party Queen

◆Rock i Roll Is Here to Stay

◆Those Magic Changes

◆Tears on My Pillow

◆Hound Dog

◆Born to Hand Jive

◆Blue Moon

◆Sendi

◆Could Do

◆Look at Me, I'm Sandra Dee

◆Alma Mater Parody (инструментал)

Интересантне

За творенє писнї Look at Me, I'm Sandra Dee инспирация була позната ґлумица Сандра Ди, хтора русинского походзеня.

Вонкашнї вязи

Брилянтин,Википедия на сербским язику
Брилянтин,Википедия на македонским язику

писня Grease, youtube.com

писня Summer Nights, youtube.com
писня Youˈre The One That I Want, youtube.com

Референци

↑ Брилянтин, на сайту Box Office Mojo
↑ Grease movie soundtrack earns its second 1 hit, History.com
↑ Musical Movies at the Box Office, boxofficemojo.com
↑ КУЛТНИ ФИЛМ БРИЉАНТИН НАПУНИО 40...АЛИ И ДАЉЕ ИМА ТАЈ НЕОДОЉИВИ TEEN SPIRIT, headliner.rs
↑ Grease 2 (1982), imdb.com
↑ The Billboard 200 - 1978, www.billboard.com
↑ Бриљантин, mojtv.net
↑ Филмски пар Траволта и Оливија снимили албум у знак сећања на његовог преминулог сина, svetplus.com

[1] Брилянтин, на сайту Box Office Mojo

[2] Grease movie soundtrack earns its second 1 hit, History.com

[3] Musical Movies at the Box Office, boxofficemojo.com

[4] КУЛТНИ ФИЛМ БРИЉАНТИН НАПУНИО 40...АЛИ И ДАЉЕ ИМА ТАЈ НЕОДОЉИВИ TEEN SPIRIT, headliner.rs

[5] Grease 2 (1982), imdb.com

[6] The Billboard 200 - 1978, www.billboard.com

[7] Бриљантин, mojtv.net

[8] Филмски пар Траволта и Оливија снимили албум у знак сећања на његовог преминулог сина, svetplus.com

[1]

[2]

[3]

[4]

[5]

[6]

[7]

[8]