Бас
Бас то найглїбши хлопски глас, хтори ма розпон од Е (у велькей октави) по d1 (у першей октави).[1] Бас то глас хтори ма глїбину и полносц/волумен звука. Од давна по нєшка басово гласи хасновали композиторе у своїх вокалних композицийох. У своїх дїлох за хор, нашпивох а поготов у оперох бул значни глас басовей мелодийскей часци.
Постоя вецей файти баса. Основне подзелєнє то на високи и глїбоки бас, док напр. у италиянскей музики ше розликую шпивацки бас (ит. basso cantante), шмишни-гумористични бас (ит. basso buffo) [2] и нїзки бас (ит. basso profondо).[3] Нїзки бас найнїзши хлопски шпивацки глас хтори ма одредзену теситуру гласа, ма глїбину и волумен, полни звук. Часто их волаю
октависти праве пре глїбину и нїзки тони хтори можу одшпивац. През историю музики мож обачиц же од вше композиторе писали за бас. У велїх писньох, розшпивох визначна мелодия була за глас бас. Поготову вельо значни часци у оперох компоновани за глїбоки баси-бас профондо и мелодични бас-бас кантате.
| Основни дияпазони гласох | |
|---|---|
| Женски гласи | |
| |
| Сопран | |
| |
| Мецосопран | |
| |
| Алт | |
| |
| Хлопски гласи | |
| |
| Тенор | |
| |
| Баритон | |
| |
| Бас |
Културолоґийни уплїв и индивидуални прикмети шпивачох, творя широке поняце вариянтох розпону (гласового обсягу) и квалитету баса. У дїлох европских композиторох находза ше нїзши тони за бас, хтори дзепоєдним шпивачом очежую шпиванє глїбоких тонох, док напр. русийски шпиваче таки нїзки тони зоз лєгкосцу шпиваю. Прето таки баси достали назву русийски бас хтори маю винїмкову глїбину шпиваня.
У хорскей музики у мишаним составе зоз заступенима штирома гласами САТБ (сопран, алт, тенор, бас) бас найзначнєйши глас спод тенора, алта и сопрана. Басова мелодийска линия основа а часто и гармонска подлога у хорским дїлу, и прето глас бас ма визначну улогу у мишаним хорским штирогласю, лєбо лєм у хлопским хору. Теди ше найчастейше баси дзеля на бас и бас-баритон и нa перши и други тенор.
Значни улоги басового галсу у оперох
[ушориц | ушор жридло]- Базилио («Севильски байбер» Дь. Росини)
- Бартоло («Севильски байбер» Дь. Росини; бас-буфо)
- Мустафа («Италиянка у Алжиру» Дь. Росини)
- Сусанин («Живот за цара» М. И. Глинка)
- Руслан, Фарлаф, Светозар («Руслан и Людмила» М. И. Глинка)
- Мельник («Русалка» А. С. Даргомижски)
- Княз Валтер, Мелхталь, Геслер («Вилєм Тел» Дь. Росини)
- Ґувернанта («Ґроф Ори» Дь. Россини)
- Елмиро («Отело» Дь. Росини)
- Мойсей, Фараон («Мойсей у Єгипту» Дь. Россини)
- Бартоло («Фиґарова женїдба» В. А. Моцарт)
- Лепорело, Командир, Мазето («Дон Жуан» В. А. Моцарт)
- Борис Годунов, Пимен, Варлаам («Борис Ґодунов» М. П. Мусорґски)
- Иван Хованский, Досифей («Гованщина» М. П. Мусоргски)
Оперети
- Плутон, («Орфей у под'жемю» Ж. Офенбах)
- Калхас («Прекрасная Елена» Ж. Оффенбах)
- Генерал Бум («Великая герцогиня Герольштейнская» Ж. Оффенбах)
- Франк («Шлєпи миш» Й. Штраус)
- Бартоломео Делаква («Ноц у Венециї» Й. Штраус)
Вонкашня вяза
[ушориц | ушор жридло]Референци
[ушориц | ушор жридло]- ↑ Речник српскога језика. Нови Сад: Матица српска. 2011. б. 63.
- ↑ "Bass | Music Appreciation" collegesidekick.com.
- ↑ Лицвенко И. Г. Бас Belcanto.ru. Дата обращения: 1 марта 2015 Aрхивоване