Алексей Кишюгас
| Алексей Кишюгас | |
|---|---|
| Народзени | 1983. |
| Державянство | югославянске, сербске |
| Язик творох | сербски, анґлийски, руски |
| Школа | ґимназия, Нови Сад |
| Универзитет | Филозофски факултет Нови Сад |
| Жанри | класична и сучасна теорийна
социолоґия |
| Наукова робота | теорийна социолоґия и история
дружтвених наукох, социолоґийни виглєдованя идеолоґийох, револуцийох и дружтвених пременкох |
| Обласц науки | социолоґия |
| Припознаня | Награда за найлєпшого младого
виглєдовача Филозофского факултета у Новим Садзе (2015), Награда "Станислав Сташа Маринкович" за новинарску шмелосц и окремни досяги у виглєдовацким и аналитичним новинарстве (2016) |
Алексей Кишюгас (1983), социолоґ и позарядови професор на Филозофским факултету[1] у Новим Садзе. Занїма ше зоз класичну и сучасну теорийну социолоґию.
Биоґрафия
[ушориц | ушор жридло]Алексей Кишюгас (1983) дипломовал и мастеровал социолоґию на Филозофским факултету у Новим Садзе 2007. односно 2009. року. Одбранєл докторску дисертацию (Тїлесни, индивидуални и дружтвени димензиї емоцийох: ґу розвою интеґрованей социолоґийней теориї) и здобул титулу доктора наукох на истим факултету 2015. року.
Од 2008. по 2015. рок робел як асистент, а од 2015. року роби як доцент на Оддїлу за социолоґию Филозофского факултета у Новим Садзе, дзе трима курси зоз теориї о дружтве, односно класичних и сучасних теорийох на шицких уровньох студийох.
Алексей Кишюгас добитнїк Награди за найлєпшого младого виглєдовача Филозофского факултета у Новим Садзе (2015) и Награди "Станислав Сташа Маринкович"[2] за новинарску шмелосц и окремни досяги у виглєдовацким и аналитичним новинарстве (2016).
Роби як порядни колумнист дньових новинох Данас[3] од 2006. року.
Наставна робота
[ушориц | ушор жридло]- Дружтвени теориї антики и штреднього вику
- Дружтвени теориї нового вику
- Класични социолоґийни теориї 19. вику
- Класични социолоґийни теориї 20. вику
- Сучасни социолоґийни теориї
- Социолоґия емоцийох
- Дружтвени проблеми
- Социолоґийни теориї людских емоцийох (мастер студиї)
- Теориї людскей интеракциї (докторски студиї)
Науково-виглєдовацка робота
[ушориц | ушор жридло]По 2019. рок, самостойно або у коавторстве, Алексей Кишюгас обявел пейц науково моноґрафиї и вецей як 40 науково роботи у домашнїх и медзинародних наукових часописох и зборнїкох. Бул и коредактор двох наукових тематичних зборнїкох. Участвовал на осем домашнїх и медзинародних науково-виглєдовацких проєктох, уключуюци ту и републични и покраїнски, як и Темпус и Хоризон 2020 проєкти.
У своєй науково-виглєдовацкей роботи вон ше занїма зоз теорийну социолоґию и з историю дружтвених наукох, зоз социолоґийнима виглєдованями идеолоґийох, револуцийох и дружтвених пременкох, дружтвеней интеракциї, людских емоцийох, як и зоз социолоґийну метатеорию.
Библиоґрафия (вибор)
[ушориц | ушор жридло]- Kišjuhas, A. (2019). Ideje, sukobi i rituali: Integrisana teorijska sociologija Rendala Kolinsa. Novi Sad: Mediterran Publishing.
- Kišjuhas, A. (2018). Reason without feelings? Emotions in the history of Western philosophy. Philosophy and Society 29 (2): 253-274
- Škorić, M. i A. Kišjuhas (2018). Revolucije i društva: Uvod u teorijsku sociologiju revolucija. Novi Sad: Filozofski fakultet.
- Kišjuhas, A. i D. Marinković (2018). Proizvodnja sreće ili fabriciranje otuđenja? Filozofija i ekonomija emocija u postracionalno doba. Filozofska Istraživanja 151 (3): 493-507.
- Kišjuhas, A. (2017). Emocije i njihovi ljudi: sociologija emocija Ervinga Gofmana. Godišnjak Filozofskog fakulteta 42 (2): 381-395.
- Škorić, M. and A. Kišjuhas (2015). Magic social numbers: On the social geometry of human groups. Anthropos 110 (2): 489-501.
- Škorić, M. i A. Kišjuhas (2015). Vodič kroz ideologije II. Novi Sad: Alternativna kulturna organizacija.
- Škorić, M. i A. Kišjuhas (2014). Vodič kroz ideologije I. Novi Sad: Alternativna kulturna organizacija.
- Škorić, M., A. Kišjuhas and J. Škorić (2013). "Excursus on the stranger" in the context of Simmel's sociology of space. Sociológia – Slovak Sociological Review 45 (6): 589-602
- Škorić, M. i A. Kišjuhas (2012). Evolucija i prirodna selekcija: Od Anaksimandra do Darvina. Novi Sad: Mediterran Publishing.
Вонкашнї вязи
[ушориц | ушор жридло]- Алексеј Кишјухас најбољи млади истраживач, Руске слово, 3. децембер 2015.
Референци
[ушориц | ушор жридло]- ↑ Универзитет у Новом Саду, Филозофски факултет: Алексеј Кишјухас
- ↑ „Сташа Маринковић“ Алексеју Кишјухасу
- ↑ Алексеј Кишјухас колумниста - Дневни лист Данас