8. януар

8. януар — 8. дзень у року по Ґреґориянским календаре. До конца рока єст ище 357 днї (358 днї у преступним року).

Подїї

1856 – Др Џон Ален Вич (1808–1870), хирурґ, ґеодет и науковец, у Калифорниї пренашол боракс, натриюмову соль борней квашнїни, хтору ше нєшка хаснує у индустриї скла, козметики, медицини и у обисцу.

2011 – Шветови дзень дурканя на писацих машинкох (World Typing Day), означує ше 8. януара. Зоз тим дньом ше означує писана форма комуникациї зоз хтору ше обезпечує швидкосц, точносц и ефикасносц. То тиж и дзень дактилоґрафох. Шветови дзень писаня на машинкох почало ше означовац 2011. року кед як здогадованє на змаганє у швидким дурканю на писацих машинкох хторе отримане у Малезиї. Сущносц означованя того дня же би ше cпонукло людзох же би на таки способ комуниковали.

Тидзень писаня писмох, означує ше од 8. по 14. януар же би ше указало на значносц файти комуникациї у розвою историї у комуникациї. Писма главни способ медзилюдскей комуникациї през историю по нєшка.

1928 – Народзела ше у Руским Керестуре Еуфемия Барат, учителька. Робела у основней школи у Коцуре, основней школи Светозар Милетич у Вербаше у хторей була вибрана за заменїцу директора.
1935 – Народзел ше Елвис Пресли, америцки шпивач и ґлумец.

1940 – Народзел ше Василь Турок-Гетеш, драматурґ у театре А. Духновича у Прешове, орґанизатор и предсидатель Русинскей оброди, предсидатель Шветовей ради Русинох хторей бул на чолє 10 роки.