6. януар

6. януар — 6. дзень у року по Ґреґориянским календаре. До конца рока єст ище 359 днї (360 днї у преступним року).

Подїї

1895 – у Будапешту формована грекокатолїцка општина.

Народзени

1412 – Народзена Йованка Орлеанка, Дївица з Орелану (фр. Jeanne d`Arc, анґл. Joan of Arc), национална героїна Французкей пре єй улогу и заслуги у Ланкастерскей фази Сторочней войни процив Анґлийцох.

1724 – Народзени Йоган Иґнац Фелбиґер - нємецки реформатор образованя, педаґоґ, настоятель хлопского манастира авґустиниянох.

1822 Народзени Гайнрих Шлиман, бизнисмен, археолоґ, дал знац швету о Трої, Микени и Тирнису.

1880 Народзени Василий Анталовски, педаґоґ, школски администратор, дружтвено-политични дїяч.

1925 – Народзени Владимир Шанта, (6. януар 1925—12. май 2002), дружтвено-политични роботнїк и публициста.

1931 – Народзени Штефан Гудак (Миклошевци, 6. януар 1931 – Петроварадин, 22. фебруар 2015), учитель, писатель, новинар, публициста, роботнїк у култури и театре. По законченей основней школи, нїзшу ґимназию з малу матуру закончел у Руским Керестуре, а учительску школу у Осиєку. Робел як учитель у Босни и Герцеґовини, у месце Києво, потим як директор школи у месце Трново и у Петровцох, а 1969. року ше з фамелию преселєл до Нового Саду и робел як редактор културней рубрики у Рускей редакциї Радио Нового Саду, одкаль 1991. року пошол до пензиї. Бул єден з найплоднєйших сотруднїкох у наших руских периодичних виданьох: Шветлосц, Народни календар, Литературне слово , Нова думка, Думки з Дунаю, у хторих му обявени велї приповедки, драми, прикази, критики и рецензиї. Бул и член Дружтва писательох Войводини. Як коавтор, вєдно з Михайлом Ковачом видал гумористични роман Гриц Бандурик, а самостойно видал: збирку приповедкох, роман Шлїдом голуба по нєбе, 8 драмски твори, з хторих велї и виведзени на сцени, два моноґрафиї, а до друку пририхтал и позберани твори Осифа Костелника и даскельо антолоґийни збирки. И сам бул заступени у вецей антолоґийох прози, писал и за старших и за дзеци, а остатня кнїжка – позберани писнї Зайда за мирни сон (2013) обявена му у виданю НВУ Руске слово.

1957 – Народзени Юлиян Надь, (Руски Керестур, 6. януар 1957 – Руски Керестур, 26. април 1989), новинар и писатель. Юлиян Надь робел як новинар у тижньових новинох „Руске слово”, робел и у часопису Шветлосц и ушорйовал Литературни додаток у новинох „Руске слово”.