30. април

30. април — 120. дзень у року (121. дзень у преступним року) по Ґреґориянским календаре. До конца рока єст ище 245 днї.

Подїї

• 313 — Римски цар Константин I Вельки видал Милански едикт зоз хторим леґализоване християнство у Римским царстве.

• 1789 — Джордж Вашинґтон вибрани за першого предсидателя ЗАД.

• 1876 — Першираз виведзена Шекспирова траґедия Ромео и Юлия у театре у Беоґрадзе.

• 1945 — У поджемним бункеру у Берлину окончели самозабойство Адолф Гитлер и Ева Браун.

• 1948 — Основани Завод за защиту природи Сербиї.

• 1953 — У Беоґрадзе отворени Желєзнїцки музей, перши таки музей у Югославиї.

• 1999 — У воздушних НАТО нападох на Югославию потрафени будинки Министерства одбрани и Ґенералштабу Войска Югославиї у узшим центре Беоґрадa.

• Шветови дзень псох водзачох (International Guide Dog Day) ше означує остатнєй стреди у априлу. Означує ше на инициятиву Медзинародней федерациї здруженьох псох водзачох од 1989. року.

Народзени

• 1777 — Народзел ше нємецки математичар и науковец Йоган Карл Фридрих Ґаус (Брауншвайґ, 30. април 1777 – Ґетинґен, Нємецка, 23. фебруар 1855). Ґаус охабел шлїди у теориї числох, диференциялней ґеометриї, ґеодезиї, електростатики, астрономиї, оптики.

• 1883 — Народзел ше чески писатель Ярослав Хашек (Прага, 30. април 1883 – Липнїце на Сазави, 3. януар 1923), автор гумористично-сатиричного романа Дожица доброго вояка Швейка.

• 1938 — Юрай Якубиско, филмски режисер, сценариста и камерман русинского походзеня.

Умарли

• 1883 — Едуард Мане, французки модернистични маляр.

• 1979 — Юлиян Ревай, политични дїяч Подкарпатскей Руси з часох Чехословацкей, педаґоґ и новинар.