3. юний

3. юний — 154. дзень у року (155. дзень у преступним року) по Ґреґориянским календаре. До конца рока єст ище 211 днї.

Подїї

1888 — зоз Исланду рушела на ладї Язон шейсцчлена Нансенова експедиция на Ґренланд же би, як перши на швеце, прешли прейґ тей велькей лядовей пустинї.

1968 — У Беоґрадзе вибухли студентски демонстрациї, найвекши у Югославиї по Другей шветовей войни, чия причина бул огромни розкрок медзи стварносцу – вше векшим социялним розпасмованьом и оддальованьом од прокламованих идеалох – и урядову пропаґанду о социялней правди и водзацей улоги роботнїцкей класи у дружтве. Демонстрациї милиция розогнала з бруталну силу, а седмого дня протестох югославянски предсидатель Йосип Броз Тито явно потримал векшину студентских вимогох и обецал швидке вишлїдзованє после хторого буду карани виновнїки за насилство. Нїяке вишлїдзованє, медзитим, нє водзене.

2006 — Скупштина Чарней Гори преглашела нєзависносц и од теди урядово престала постояц Сербия и Чарна Гора.

Нєшка Шветови дзень бициґлох. Преглашела го Ґенерална скупштина Зєдинєних нацийох у априлу 2018, року. Резолуция о Шветовим дню бициґлох препознава єдинсвеносц, длуговичносц и всестраносц бициґли, хтора уж два вики єдноставне, доступне, сиґурне и еколоґийно отримовне средство за превоженє.

1926 — Народзел ше Владимир Копчански, просвитни роботнїк, културни дїяч, ґлумец и режисер аматер. Робел у Дюрдьове, Вербаше и Ґосподїнцох.

1931 — Народзел ше фоторепортер Йован Вайдл (Нови Сад, 3. юний 1931 – Нови Сад, 5. новембер 2011). Фотографске ремесло виучел при новосадскому фотоґрафови Радомирови Ґлишичови. Од 1955. року по пензионованє 1991. року робел як фоторепортер у новосадских дньових новинох Дневник. Фотоґрафовал сцени каждодньового живота Нового Саду, на пияцох, у школох, на спортских теренох, на улїцох и площох. Роботи обявйовал у домашнїх и странских новинох, два раз достал припознанє Златне око (1964, 1968), велї награди на рижних змаганьох, участвовал на рижних виставох, арґентинске здруженє фотоґрафох у Буенос Айресу наградзело го зоз специялну награду (1976), бул ношитель Повелї городу Нового Саду (1987).