3. април

3. април — 93. дзень у року (94. дзень у преступним року) по Григориянским календаре. До конца рока єст ище 272 днї.

Подїї

• 1922 — Сталїн постал перши ґенерални секретар комунистичней партиї а з тим и владар СССР на длужей як 30 роки.

• 1948 — Отворени Югославянски драмски театер у Беоґрадзе зоз премиєру драми Ивана Цанкара Краль Бетайнови у режиї Бояна Ступици.

• 1999 — У НАТО бомбардованю Югославиї звалєни Мост шлєбоди у Новим Садзе. На мосце ше у хвильки кед ше звалєл одвивал транспорт, алє нїхто нє настрадал. Людзом, хтори ратунок нашли у Дунаю помогли рибаре на чамцох. Мост обновени после шейсц роки и до транспорту пущени у октобре 2005. року.

• 1999 — Авиони НАТО бомбардовали центер Беоґраду, у воздушних нападох на Союзну Републику Югославию. Потрафени будинки Републичного и Союзного министерства нукашнїх дїлох.

• 2003 — У Стразбуру державна заєднїца Сербия и Чарна Гора прията до Совиту Европи (СЕ). Република Сeрбия на основу одлуки Комитета министрох СЕ од 14. юния 2006. року, витворела континуитет членства у тей Орґанизациї и при конвенцийох СЕ.

Народзени

• 1948 — Народзел ше Нестор Пушкаш (Дюрдьов, 3. април 1948 – 4. децембер 2010), вокални солиста, музичар, руководитель оркестра у КУД Тарас Шевченко у Дюрдьове.

Умарли

• 1682 — у Севилї умар Бартоломео Естебан Мурильо, познати шпански маляр у периодзе барока.

• 1996 — Йосиф Архий, педаґоґ, подкарпатски поета.