29. април
29. април — 119. дзень у року (120. дзень у преступним року) по Ґреґориянским календаре. До конца рока єст ище 246 днї.
Подїї
[ушориц | ушор жридло]- 1999 — У воздушних вдереньох НАТО-а на СРЮ звалєна телекомуникацийна турня на Авали. Турня була збудована 1965. року и обновена є у априлу 2010. року.
- Шветови дзень танца установел Медзинародни совит за танєц 1982. року.
Народзени
[ушориц | ушор жридло]- 1920 — Народзел ше Дюра Сопка (Петровци, 29. април 1920 – Нови Сад, 10. май 1982) бул перши радио новинар и редактор емисийох на руским язику у Радио Новим Садзе. До основней школи почал ходзиц у Петровцох, алє ю закончел у Дюрдьове, уписал ше до класичней ґимназиї у Заґребе. По Другей шветовей войни єден час роби як службенїк у землєдїлскей задруґи у Дюрдьове, од 1949. року почина робиц як новинар у Редакциї Руского слова, алє преходзи на роботне место редактора руских емисийох у Радио Новим Садзе (од 1949 по 1955). Закончел Висшу педаґоґийну школу у Новим Садзе, дипломовал на ґрупи французки язик и литература и позарядово на Филозофским факултету югославянску литературу. Робел як просвитни роботнїк и директор Основней школи у Руским Керестуре, потим у Савиним Селу и вец у Дюрдьове. Року 1962. роби як совитнїк за школи зоз руским наставним язиком у Просвитно-педаґоґийним заводу АПВ, а од 1970. року у Покраїнским секретарияту за информациї.
Умарли
[ушориц | ушор жридло]- 2005 — Любомир Рамач (*22. януар 1941—†29. април 2005), длугорочни новинар, бувши директор и на вецей заводи главни и одвичательни редактор новинох Руске слово.