27. марец

27. марец — 86. дзень у року (87. дзень у преступним року) по Григориянским календаре. До конца рока єст ище 279 днї.

Подїї

1793 — Кральовска дворска комора дошлєбодзела Йожефови Кишови же може почац роботи на проєкту Велького Бачкого Каналу. Истого року 6. мая почало ше копац беґель, хтори з вецей почежкосци закончени 1802. року. Познєйше направени системи беґельох до хторих одведзена вода з мочварох и так ше спущели поджемни води, а достало ше вельо плодней жеми у Бачки.

Нєшка Шветови дзень театру (World theatre day), означує ше инициятиву Медзинародного театралного института од 1961. року.

1845 — Народзени нємецки физичар Вилхем Конрад Рендґен (Ленеп, Пруска, 27. марец 1845 – Минхен, Нємецка, 8. новембер 1895) хтори пренашол „икс” зарї – електромаґнетни габи хтори по нїм наволани „рендґеново зарї”, за цо є наградзени зоз Нобелову награду за физику 1901. року. Медзинародна уния чистей и применєней хемиї (IUPAC) наволала елемент 111 – рендґениюм, радиоактивни елемент зоз вецей нєстабилнима изотопами, по Рендгенови наволана и мерна єдинка рендґен.

1867 — Народзени анґлийски инжинєр Фредерик Генри Ройс, хтори зоз Чарлсом Ролсом основал компанию за продукцию автомобилох Ролс-Ройс, чийо автомобили нєпревозидзени по луксузу и квалитету.

1931 — Юстина Матяшовска, русинска писателька зоз Прешовского краю, авторка кнїжкох прози и поезиї.

1941 — Народзени шпивач забавней музики Миодраґ Мики Євремович (Беоґрад, 27. марец 1941 – Беоґрад, 13. януар 2017). Мики Євремович бул барз популарни шпивач 70. и 80. рокох прешлого вику, а на руским язику одшпивал два шпиванки Полюбели зме ше (Били орґони) и Ружи, червени ружи, цо було вельки гит кед ше тота ґрамофонска плоча зявела медзи Руснацами у Войводини.

2018 — Мария С. Горняк (*9. новембер 1935—†27. марец 2018), поетеса, авторка стихох за композициї.

2025 — Ирина Олеяр (*30. октобер 1934—†27. марец 2025), учителька велїх ґенерацийох керестурских школярох, активна у дружтвено-политичним и културним живоце, ґлумица-аматерка, вельорочна учашнїца у театралним живоце Руского Керестура.