25. марец

25. марец — 84. дзень у року (85. дзень у преступним року) по Григориянским календаре. До конца рока єст ище 281 дзень.

Подїї

• 1807 —У Велькей Британиї и Ирскей забранєна тарґовина зоз рабами.

• 1901 — випродуковани перши авто сериї Мерцедес, продукователь Daimler Motoren Gesellschaft.

• 1918 — Преглашена нєзависносц Билорускей народней републики.

• 1949 — Филм Гамлет Лоренса Оливиєа достал пейц Оскари и постал перши британски филм хтори достал тото припознанє.

• 1957 — Белґия, Заходна Нємецка, Италия, Луксембурґ, Французка и Голандия подписали Римски спорозуменя о снованю Заєднїцкого тарґовища. Тота орґанизация познєйше наволана Европска економска заєднїца, потим Европска заєднїца, а тераз Европска уния.

Народзени

• 1786 — Йоян Фоґараши, подкарпатски русински етноґраф, линґвиста, священїк и педаґоґ.

• 1867 — Народзел ше италиянски дириґент Артуро Тосканини (Парма, Италия, 25. марец 1867 — Нюйорк, ЗАД, 16. януар 1957).

• 1881 — Народзени композитор, пиянист и етномузиколоґ Бела Виктор Янош Барток (Вельки Семиклуш, нєшка Румуния, 25. марец 1881 – Нюйорк, ЗАД, 26. септембер 1945). Трима ше же є снователь етномузиколоґиї, антрополоґиї и етноґрафиї у музики. Робел як професор на Музичней академиї Франца Листа, а источашнє бул колекционер народней музики жемох Централней Европи.

• 1908 — Народзени анґлийски филмски режисер, продуцент, сценариста и монтажер Дейвид Лин (Кройдон, Зєдинєне Кральовство, 25. марец 1908 – Лондон, 16. април 1991). Награду Оскар достал за филми: Мост на рики Квай, Лоренс од Арабиї и Доктор Живаґо.

• 1930 — Радмила Шовлянски (*25. марец 1930—†30. юлий 2022), фитофармаколоґиня и токсиколоґиня, доктор наукох, професорка Польопривредного факултета у Новим Садзе.

• 1935 — Юрий Чори, русински писатель, етноґраф, фолклориста.

Умарли

• 1918 — Клод Дебиси, французки композитор, музични критичар.