24. май
24. май — 144. дзень у року (145. дзень у преступним року) по Ґреґориянским календаре. До конца рока єст ище 221 днї.
Подїї
[ушориц | ушор жридло]- 1844 — Пренаходзач телеґрафа Семюел Морзе послал зоз Вашинґтону до 65 километри оддалєного Балтимору перше телеґрафске порученє у историї, хторе глашело: Цо то Бог зробел?.
- 1926 — Отворена Универзитетска библиотека у Беоґрадзе, чия вибудов з помоцу Карнеґийовей завитовщини почала 1921, а закончена є 1924. року. Бул то перши будинок у Сербиї хтори наменски будовани за библиотеку.
- Нєшка Дзень славяскей писменосци и култури, лєбо Дзень славянских просвитительох Кирила и Мефтодия, Грекох зоз Солуну, сновательох славянскей литератури и творцох першого славянского писма, глаголїци. Тото писмо направели зоз присподобйованьом греческей азбуки ґу славянским гласовним потребом на хтори преложели вецей церковни кнїжки.
- Нєшка Европски дзень паркох.
Народзени
[ушориц | ушор жридло]- 1686 — Народзел ше нємецки физичар Даниєл Ґабриєл Фаренхайт (Ґданьск, Польска 24. май 1686 – Гаґ, Голандия, 16. септембер 1736), направел перши термометер зоз живим стриблом. Фаренхайтова (°F) скала за меранє температури наволана по нїм. Фаренхайтову скалу ше хаснує у ЗАД.
- 1819 — Виктория, британска владарка од 1837-1901.
- 1905 — Народзел ше писатель Михаил Александрович Шолохов (Крусилин, Русия, 24. май 1905 – Вйошенска, 21. фебруар 1984), 1965. року додзелєна му Нобелова награда за литературу за дїло Цихи Дон.
- 1945 — Иван Петровций, русински поета, писатель на Подкарпатю.
- 1946 — Штефан Сухий, русински поета, прозаїк и драмски писатель.
Умарли
[ушориц | ушор жридло]- 1543 — Никола Коперник, (лат. Nicolaus Copernicus, поль. Mikołaj Kopernik, нєм. Nikolaus Kopernikus, у младосци нєм. Niklas Koppernigk; Торунь, 19. фебруар 1473 — Фромборк, 24. май 1543) бул польски астроном, математичар, правнїк, лїкар и економиста, перши науковец хтори формуловал гелиоцентрични модел вселенских целох.