23. май
23. май — 143. дзень у року (144. дзень у преступним року) по Ґреґориянским календаре. До конца рока єст ище 222 днї.
Подїї
[ушориц | ушор жридло]- 1814 — Премиєрно виведзена треца, конєчна, верзия опери Фиделио (Leonore, oder Der Triumph der ehelichen Liebe (Леонора, лєбо Триюмф малженскей любови)) Лудвиґа ван Бетовена у Кернтнертор театру (нєм. Kärntnertortheater).
- 1977 — У Беоґрадзе отворени Музей африцкей уметносци. Музей отворени на беоґрадским населєню Сеняк, на Топчидерским брегу у Улици Андре Николича 14.
- 2025 — У Основней школи Братство єдинство у Коцуре представена кнїжка за дзеци Воденїчка на стриберним потоку, Мирона Будинския. Кнїжка репринт виданя зоз 1970. року, алє є збогацена з новима илустрациями котри нарисовала авторова унука Лара Петкович. Попри тим, обявена и роботна тека у котрей преложени три приповедки на сербски язик, а илустрациї прилагодзени за вифарбйованє. НВУ Руске слово обявело тоту кнїжку у рамикох проєкту „Култура=кнїжка=природа – интеркултурални роботнї за дзеци” при Буджетским фонду за национални меншини Министерства за людски и меншински права и дружтвени диялоґ Републики Сербиї.
Народзени
[ушориц | ушор жридло]- 1707 — Народзени шведски природняк Карл фон Лине (Росхулт, Шведска, 23. май 1707 – Хамарби, 10. януар 1778), хтори запровадзел биномну номенклатуру рошлїнох.
- 1848 — Народзени нємецки инжинєр и пренаходзач Ото Лилиєнтал (Анклам, Нємецка, 23. май 1848 – Берлин, 10. авґуст 1896), чийо модели лєтадлох познєйше хасновани у конструкциї авионох.
- 1908 — Народзел ше америцки физичар Джон Бардин (Висконсин, ЗАД, 23. май 1908 – Бостон, 31. януар 1991), двойнїсти добитнїк Нобеловей награди за физику 1956. и 1972. року. Зоз Вилиямом Шоклийом видумал транзистор.
- 1911 — Андрей Коцка, подкарпатски маляр.
Умарли
[ушориц | ушор жридло]- 1987 — Штефан Чакан (*10. април 1922—†23. май 1987), инженєр аґрономиї, новинар, редактор, просвитни, дружтвено-политични и културни роботнїк.