21. май

21. май — 141. дзень у року (142. дзень у преступним року) по Ґреґориянским календаре. До конца рока єст ище 224 днї.

Подїї

• 1831 — До Беоґраду принєшена державна друкарня зоз Санкт Петербурґу. Перша друкарня у ошлєбодзеней Сербиї почала робиц у септембру 1831. року, а наволана є Князовско-сербска печатня. Вецей раз єй меняна назва, а тераз роби як Беоґрадски видавательно-ґрафични завод.

• 1904 — У Паризу основана Медзинародна федерация фодбалских асоцияцийох – ФИФА (Fédération Internationale de Football Association – FIFA), шедзиско єй у Цириху у Швайцарскей.

• 1925 — У Канади допущене предаванє пива.

• 2006 — Гражданє Чарней Гори вигласали нєзависносц и роздлужованє од Державней заєднїци Сербиї и Чарней Гори. 21. май ше у Чарней Гори слави як Дзень Нєзависносци.

• Нєшка Шветови дзень културней рижнородносци за диялоґ и розвой. Тот дзень преглашени 2001. року на схадзки Ґенералней скупштини УНЕСКО. У Универзалней декларациї УНЕСКО о културней рижнородносци стої же людске достоїнство вимага ширенє култури и образованя з цильом правди, шлєбоди и мира. З тоту историйну декларацию держави швета културну рижнородносц припознали як заєднїцке нашлїдство чловечества.

Народзени

• 1471 — Албрехт Дирер, маляр, ґрафичар и теоретичар уметносци.

• 1844 — Народзел ше маляр Анри Русо (Лавал, Французка, 21. май 1844 – Париз, 2. септембер 1910), бул самоуки французки постимпресионистични маляр, родоначальнїк наївного малярства.

• 1895 — Никифор Дровняк, русински (лемковски) наївни маляр.

• 1903 — Василь Караман, русински политични дїяч у Прешовским реґиону и на Подкарпатскей Руси.

• 1932 — Народзени Владимир Мирко Ґаднянски, новинар, режисер аматер и ґлумец. Бул перши редактор Телевизийного Маґазина на руским язику на Телевизиї Нови Сад.