20. януар

20. януар — 20. дзень у року по Ґреґориянским календаре. До конца рока єст ище 345 днї (346 днї у преступним року).

Подїї

1990 – У Беоґрадзе почал остатнї конґрес Союзу комунистох Югославиї. Позарядови 14. конґрес СКЮ отримани од 20. по 22. януар у беоґрадским центре Сава. Присуствовали делеґати зоз шицких републикох и покраїнох тедишнєй СФРЮ, як и партийна делеґация ЮНА. Конґрес нїґда нє закончени.
2009 – Барак Хусеин Обама постал 44. предсидатель ЗАД и перши афроамериканєц на тей функциї.
2022 – Язик Руснацох з Войводини урядово реґистровани у Медзинародним стандарду за реґистрованє язикох ISO 639-3, достал идентификацийни код rsk а пoд меном Rusyn, Ruthenian, як активни, живи и окремни (individual) язик. З тим язик Руснацох з Войводини постал ровноправни язик зоз шветовима язиками зоз хторима ше у пракси стретаме скоро каждодньово у живоце и на интернету.

Нєшка ше означує Дзень свидомосци о пинґвинох. Пре пошвидшане вше менше число тих птицох цо нє лєца нєшкайши дзень пошвецени едукованю явносци о пинґвинох.

Народзени

1775 – Народзени Андре-Мари Ампер (Лион 20. януар 1775 – Марсей, 10. юний 1836), французки физичар и математичар, член Паризкей академиї наукох и член велїх иножемних академийох наукох. Снователь електродинамики. Засновал теорию маґнетизма у нєроздвойней вязи зоз електрицитетом и преучел взаємне дїйство електричних струйох. Йому на чесц єдинка за моц струї наволана ампер, єдинка за количество електрицитету амперсекунда и ампергодзина, а инструмент за меранє моци струї амперметер.
1888 – Йоан Полянски, лемковски народни активиста, священїк Грекокатолїцкей церкви, поет, историчар и мемоариста.
1920 – Народзени италиянски филмски режисер и сценариста Федерико Фелини (Римини, 20. януар 1920 – Рим, 31. октобер 1993). Тримани є за критичара дружтвених зявеньох у италиянским гражданским дружтве у чаше после Другей шветовей войни. Добитнїк є трох Оскарох – награди за уметнїцку и технїчну роботу у филмскей индустриї.

Умарли

1995 – Драґутин – Драґен Колєсар (*10. новембер 1929—†20. януар 1995), єден спомедзи найпознатших ґлумцох зоз шорох рускей заєднїци у Войводини хтори охабел глїбоки шлїд на театралним и филмско-телевизийним полю.
2025 – Дюра Будински (*14. фебруар 1961 - †20. януар 2025), музични редактор у Радио-телевизиї Войводини, мулти-инструменталиста, композитор.