2. юний

2. юний — 153. дзень у року (154. дзень у преступним року) по Ґреґориянским календаре. До конца рока єст ище 212 днї.

Подїї

• 1790 — У Новим Садзе отворена перша кнїжкарня, власнїк бул Емануел Янкович.

• 1847 — Першираз на орґульох виведзена композиция Свадзебни марш Феликса Менделсона на єдним винчаню у церкви святого Петра у Тивертону у Анґлиї.

• 1848 — у Праги почал з роботу Славянски Конґрес.

• 1900 — Першираз успишно демонстрована лєтачка цепелин, хтору розвил ґроф Фердинанд фон Цепелин.

• 1904 — Народзел ше америцки олимпийски шампион у плїваню и филмски ґлумец Джони Вайсмилер (Фрайфорд, Банат, нєшка Румуния, 2. юний 1904 – Акапулко, Мексико, 20. януар 1984). Перши преплївал сто метери за менєй од минути. Освоєл три златни медалї на Олимпийских бавискох 1924. року и два 1928. року. Як ґлумец є познати по главних улогох у филмох о Тарзанови.

• 1953 — Елизабета II у Вестминстерскей катедрали у Лондону корунована за кралїцу Велькей Британиї и Сиверней Ирскей.

Народзени

• 1860 — Микола Ґубаш (*2. юний 1860—†12. юний 1909), учитель, дзияк, културно-просвитни дїяч, национални будитель Коцурцох.

• 1912 — Иван Ковач, русински правнїк, политичар и педаґоґ.

• 1939 — Иван Бровди, русински скулптор и маляр, ношитель почесних титулох.

• 1951 — Владимир Горняк (*2. юний 1951—†17. децембер 2025), єден зоз замеркованших рок музичарох у Руским Керестуре, соло-ґитариста и снователь даскелїх рок ґрупох.

Умарли

• 1882 — Джузепе Ґарибалди, народни вожд и герой войни хтора водзела ґу твореню Кральовини Италиї.

• 1955 — Юрий Гойда, поета и публициста на Подкарпатскей Руси и у України.

• 2018 — Мирон Будински, (*19. фебруар 1931—†2. юний 2018), културни дїяч, писатель и професор медзи Руснацами у Войводини.