17. януар
17. януар — 17. дзень у року по Ґреґориянским календаре. До конца рока єст ище 348 днї (349 днї у преступним року).
Подїї
[ушориц | ушор жридло]- 1751 – Совитнїк царици Мариї Терезиї и администратор Кральовско-державного Бачкого дистрикту Франц Йозеф де Редл у Зомборе подписал перши урядови документ – Контракт о насельованю 200 руских грекокатолїцких фамелийох на тедишню пустару Вельки Керестур. Тот дзень прилапени як дзень урядового досельованя Руснацох на тоти простори.
- 1929 – Першираз ше у стрипу „Кинґ фичерс” зявел Морнар Попай, а намальовал го америцки рисовач стрипох Елзи Крислер Сиґар. Познєйше 1933. року Попай постал юнак мальованих филмох, а на югославянскей телевизиї є приказовани од 1970. по 1990. роки.
- 2008 – Першираз преславене Националне швето Руснацох зоз духовнима, протоколарнима, образовнима и културнима змистами. Отримани приєми у подручних канцеларийох, односно културно-уметнїцких дружтвох, зоз представителями локалних самоуправох, месних заєднїцох, школох, церквох, привредних орґанизацийох и поєдинцох з котрима Руснаци по местох робя и сотрудзую. На дзепоєдних будинкох месних заєднїцох, школох и културних институцийох, попри державней застави була виложена и национална застава. Приєми на уровню локалней самоуправи отримани у Руским Керестуре, Коцуре, Дюрдьове, у Вербаше, Кули, Новим Орахове, Суботици, Новим Садзе, у Шидзе и Сримскей Митровици. Централна шветочносц отримана у Новим Садзе у Студию М зоз Шветочну академию, а у голу Вивершней ради Скупштини Войводини отримане стретнуце зоз державнима госцами, науковцами, уметнїками, представителями институцийох. Отворена и вистава подобових роботох 15 уметнїкох под назву Руска подобова сцена нєшка.
Народзени
[ушориц | ушор жридло]- 1706 – Народзени Бенджамин Френклин (Бостон, 17. януар 1706 – Филаделфия, 17. април 1790), америцки науковец и политичар.
- 1820 – Народзена анґлийска писателька ирского походзеня, Ана Бронте (Торонтон, 17. януар 1820 – Скарборо, 28. май 1849) наймладша з трох шестрох писателькох.
- 1897 – Александер Хира, владика мукачовски, папски прелат, ректор Ужгородскей духовней семинариї.
Умарли
[ушориц | ушор жридло]- 1961 – Томас Бел, америцки романсиєр русинского походзеня.