16. юний
Вонкашнї випатрунок
16. юний — 167. дзень у року (168. дзень у преступним року) по Ґреґориянским календаре. До конца рока єст ище 198 днї.
Подїї
[ушориц | ушор жридло]- 1852 — У Новим Садзе друковане перше число новинох Сербски дневник, з литературним додатком Седмица. Новини виходзели 12 роки и були єдни з ридких славянских новинох у австрийскей монархиї.
- 1920 — У Лондону отримана перша схадзка Дружтва народох.
- 1948 — Драмска секция Месного одбору Рускей матки у Кули пред свою публику премиєрно виведла театрални фалат Г. К. Основяненка Сватання на Гончарівці у режиї Петра Ризнича Дядї.
- 1960 — Отримана премиєра Хичкокового филма Психо.
- 1963 — Валентина Терєшкова як перша жена одлєцела на тридньови козмични лєт.
Народзени
[ушориц | ушор жридло]- 1859 — Народзел ше сербски маляр Пая Йованович (Вершец, 16. юний 1859 – Беч, 30. новембер 1957).
- 1890 — Народзел ше анґлийски филмски ґлумец Стен Лорел (Улверстон, Зєдинєне Кральовство, 16. юний 1890 – Санта Моника, ЗАД, 23. фебруар 1965), гвизда комедийох у хторих, як худи, творел тандем зоз Оливером Гардийом як тлустим.
- 1909 — Народзела ше директорка, наставнїца, дружтвена активистка Марґита Лучечко, дзївоцке Лїкар (Руски Керестур,16. юний 1909 – Руски Керестур, 24. юлий 1988). Основну школу Марґита Лїкар закончела у Дюрдьове, а Стредню фахову школу за схопносци и ручну роботу у Заґребе. Робела як директорка Ремеселнїцкей школи у Сримскей Митровици, а потим у ОШ Петро Кузмяк у Керестуре дзе була вихователька и наставнїца подобового и музичного воспитаня. Була и дириґентка школского хору и дзивоцкого оркестра мелодикох.
Умарли
[ушориц | ушор жридло]- 1933 — Антоний Бескид, русински политичар, доктор права, дружтвени дїяч, други ґубернатор Подкарпатскей Руси.
- 1984 — Михайло Фирак (*21. новембра 1897—†16. юния 1984) вельорочни редактор Руских новинох и Рідного слова, парох раєвоселски и керестурски.