15. юний

15. юний — 166. дзень у року (167. дзень у преступним року) по Ґреґориянским календаре. До конца рока єст ище 199 днї.

Подїї

1945 — Вишло перше число новинох на руским язику Руске слово. У першей редакцийней ґрупи тижньових новинох були: Штефан Чакан, Йовґен Планчак,Евґений Джуня, Яша Баков и Гавриїл Надь. Новини обявел Културно-просвитни совит у Руским Керестуре, на штирох бокох, зоз фотоґрафию предсидателя ФНРЮ Йосипа Броза Тита на насловним боку, а нарис заглавя з меном Руске слово виробел Иван Болдижар з Нового Саду. Тираж новинох перше бул 800, а додруковане ище 270 прикладнїки. Тот дзень ше кажди рок означує як Дзень Новинско-видавательней установи Руске слово.

Шветови дзень витру, означує ше од 2007. року. Дзень пошвецени виглєдованю витра, його моци и розличних можлївосцох. Витор єдна зоз алтернативних еколоґийних енерґийох будучносци.

1886 — Народзени Гавриїл Костельник Гомзов (Руски Керестур, 15. юний 1886 – Львов, 20. септембер 1948), зачатнїк уметнїцкей литератури Руснацох и автор першей ґраматики руского язика, грекокатолїцки священїк, доктор филозофиї. Писал литературни твори и науково розправи. Обявени му Идилски венєц З мойого валала (1904), Граматика бачваньско-рускей бешеди (1923), руска драма Єфтайова дзивка (1924).

2015 — Симеон Рамач (18. новембер 1937 – 15. юний 2015), економиста, привреднїк, руководитель привредних подприємствох, явни и дружтвени роботнїк, алє и уметнїк-маляр.