15. май
15. май — 135. дзень у року (136. дзень у преступним року) по Ґреґориянским календаре. До конца рока єст ище 230 днї.
Подїї
[ушориц | ушор жридло]- 1618 — Йоган Кеплер обявел треци закон о рушаню планетох хтори ище наволал же то закон о гармониї швета.
- 1848 — Паризки роботнїки, нєзадовольни з политику буржоазней влади после преглашованя французкей републики, вошли до будинку парламента, розпущели уставотворну скупштину и вибрали револуционерну владу. З помоцу войска буржоазия загартушела повстанє и загарештовала шицких роботнїцких вождох.
- 1928 — Приказани рисовани филм Плейн крейзи, у хторим ше першираз зявел Мики Маус.
- 1945 — Югославия цалком ошлєбодзена од окупатора и єдинки Югославянскей армиї зламали и остатнє орґанизоване одуперанє нєприятельских моцох у Другей шветовей войни.
- 2014 — Циклон Тамара залапел Балканске полуострово и пре вецейдньови моцни диждж и вилїви рикох у Сербиї 2 городи и 17 општини (Шабац, Сримска Митровица, и општини Обреновац, Лїґ, Уб, Лайковац, Осечина, Парачин, Мионица, Свилайнац, Смедеревска Паланка, Шид, Трстеник, Косєрич, Баїна Башта, Крупань, Мали Зворник, Коцелєва и Владимирци) преглашели позарядову ситуацию. Водостой рикох Дунай и Сава почал ше зменшовац од 25. мая. Настрадали 57 особи.
- Нєшка Медзинародни дзень фамелиї. Преглашела го Ґенерална скупштина Орґанизациї зєдинєних нацийох 1993. року.
- Медзинародни дзень акцийох за климу (International Climate Action Day), ище и Дзень борби процив климатских пременкох.
- Дзень борби процив малиґних меланомох скори.
Народзени
[ушориц | ушор жридло]- 1859 — Народзел ше французки физичар и хемичар Пєр Кири (Париз, Французка, 15. май 1859 – Париз, 19. април 1906). Зоз супругу Марию Кири-Склодовску и французким физичаром Антоаном Анрийом Бекерелом 1903. року подзелєл Нобелову награду за физику. Преучовал маґнетни зявеня, а зоз супругу пренашол радиоактивни елементи полониюм и радиюм.