14. юний

14. юний — 165. дзень у року (166. дзень у преступним року) по Ґреґориянским календаре. До конца рока єст ище 200 днї.

Подїї

1919 — Пилот Джон Олкок и навиґатор Артур Виттн Браун лєцели з Америки прейґ океана на свой перши директни трансатлантски лєт.

1942 — Волт Дизни видал познати рисовани филм Бамби.

1962 — У Паризу основана Европска орґанизация за виглєдованє вселени, предходнїца Европскей вселенскей аґенциї.

Нєшка Шветови дзень добродзечного даваня креви.

Народзени

1811 — Народзена америцка писателька Гериєт Елизабет Бичер Стоу (Личфилд, ЗАД, 14. юний 1811 – Хартфорд, 1. юлий 1896), борец за женски права и ошлєбодзованє чарних рабох. З романом Дїдова Томова колїба, у хторим оштро критиковала ниґерске рабство, допринєсла утаргованю рабства у ЗАД.

1868 — Карл Ландштайнер, (нєм. Karl Landsteiner; Баден Бай Вин, 14. юний 1868 — Ню Йорк, 26. юний 1943) бул австрийско-америцки биолоґ, биохемичар и лїкар єврейского походзеня.

1928 – Народзени Ернесто Че Ґевара (Росарио, Арґентина 14. юний 1928 – Ла Иґера, Боливия, 9. октобер 1967), арґентински револуционер.

1952 — Ники и Наталка Петрашевски, познати вокални дует зоз Гуменого, Словацка.

1957 — Народзел ше новинар, ґлумец, режисер, културни и дружтвени роботнїк Силвестер Дорокхази Цики (Коцур, 14. юний 1957 – Вербас, 3. април 2014). Стредню економску школу, напрям тарґовина закончел у Кули, и єден час робел у фаху. Од 2000. року почал робиц у НВУ Руске слово як гонорарни дописователь, а вец стаємно заняти новинар-дописователь з Коцура. Бул и новинар-сотруднїк Рутенпресу од його снованя и дописователь-репортер Рускей редакциї Радия и ТВ Войводини. Активни бул у явним и културним живоце Коцура и Руснацох. Бул руковолитель Подручней канцелариї НСР у Коцуре и член Одбору за културу НСР, тиж бул и член Совиту МЗ Коцур. Дорокхази бул єден зоз сновательох КУД Жатва и його предсидатель од 1999. по 2012. рок. Памета ше го и як доброго глумца, участвовал у пейцох представох РНТ Петро Ризнич Дядя, а шмерц го застала у улоги ґлумца и режисера представи Береме ше, так нам и треба, копродукция РНТ Петро Ризнич Дядя и коцурского КУД Жатва. Писал тексти за театрални представи и конферанси, а успишно режирал дзецински представи. Велї го запаметали и як видавача и старосту на руских свадзбох. Силвестср Дорокхази Цики поховани 4. априла 2014. року на теметове у Коцуре.

Умарли

1920 — Макс Вебер, нємецки социолоґ и економист.

1986 — Горге Луис Боргес, арґентински писатель.

1971 — Осиф Фа (*25. фебруар 1882—†14. юний 1971), учитель у школи у Руским Керестуре.

2007 — Амалия Хромиш, (*18. април 1951—†14. юний 2007), професорка русийского язика, новинарка, прекладателька, поетеса, културна творителька.

2021 — Мелания Мудри (*1. октобер 1933-†14. юний 2021), учителька, аматерска дїячка у култури