14. марец
14. марец — 73. дзень у року (74. дзень у преступним року) по Ґреґориянским календаре. До конца рока єст ище 292 днї.
Подїї
[ушориц | ушор жридло]• 1939 — Нємецке войско почало окупацию Чехословацкей. Словацка и Подкарпатска Рус формално вигласали нєзависносц. У моравским варошу Мистек до бою зоз нємецким полком ступела чета воякох под команду капетана Павлика (бул то такволани бой за Чаянково касарнї) и остал запаметани як єдини случай орґанизованого одпору нємецкому нападу.
• 2002 — Найвисши представителє Союзней Републики Югославиї и двох Републикох зоз постредованьом ЕУ, спорозумели ше о преушореню одношеньох Сербиї и Чарней Гори. Догварене же ше нова держава вола Сербия и Чарна Гора, же ма предсидателя и премиєра у єдней особи, совит министрох, парламент и суд.
• Медзинародни дзень рикох ше означує пре значносц рикох и водоцекох за живот людзох на планети Жеми. Поволує ше на одвичательносц и право шицких людзох на чисти рики цо директно уплївує на єдно од основних людских правох, а то право на здрави животни стредок.
Народзени
[ушориц | ушор жридло]• 1737 — Арсений Коцак, священїки, єромонах, педаґоґ, филозоф, теолоґ и язикознавец.
• 1879 — Народзел ше нємецки физичар єврейского походзеня Алберт Айнштайн (Улм, Нємецка, 14. марец 1879 – Принстон, ЗАД, 18. април 1955), творец теориї релативитета, добитнїк Нобеловей награди за физику 1921. року. Бул оженєти зоз сербску математичарку Милеву Марич, чийо доприношенє його роботи нє розяшнєне у подполносци.
• 1892 — Йосиф Ернест Гомичко, русински педаґоґ и церковни дїяч.
• 1908 — Народзени югославянски политичар, дипломата, филозоф и публициста Константин Коча Попович (Беоґрад, 14. марец 1908 – Беоґрад 20. октобер 1992), визначни сербски надреалиста пред Другу шветову войну. Участвовал у Шпанскей гражданскей войни (1936–1939) и Народноошлєбодительней войни (1941–1945).
• 1932 — Народзени писатель, публициста Мирослав Мика Антич (Мокрин, 14. марец 1932 – Нови Сад, 24. юний 1986). Мирослав Антич бул поета, публициста, филмски творитель, маляр. У Мокрину закончел основну школу, ґимназию у Кикинди и Панчеве, а студирал у Беоґрадзе. Жил и робел у Новим Садзе.
Умарли
[ушориц | ушор жридло]• 1883 — Карл Маркс, нємецки филозоф, политични публициста, критичар класичней економиї, теоретичар роботнїцкого руху, социялизма и комунизма.
• 1987 — Иван Мацински, поета, познаватель литератури, прекладатель, публициста, педаґоґ и дружтвено-културни активиста у Прешовским реґионє Словацкей.