12. април

12. април — 102. дзень у року (103. дзень у преступним року) по Григориянским календаре. До конца рока єст ище 263 днї.

Подїї

• 1961 — Юрий Ґаґарин одлєцел до вселени.

• 1981 — При Институту за педаґоґию на Филозофским факултету у Новим Садзе оформена Катедра за руски язик и литературу. За першого шефа Катедри бул поставени др Юлиян Тамаш, а истого року ше уписала и перша ґенерация студентох на Ґрупи за руски язик и литературу.

Народзени

• 1922 — Михаил Кеминь, педаґоґ, русински поета, фолклориста, дружтвени активиста.

• 1938 — Народзел ше Юлиян Каменїцки, (Коцур, 12. април 1938 – Атланта, ЗАД, 6. децембер 2020), основну школу закончел у Коцуре, а потим и дактилоґрафски курс у Вербаше. Робиц почал у Руским слове 1956. року и поступнє ше позарядово дошколовйовал. Кед дипломовал на висшей управней школи преходзи на роботне новинара спортскей рубрики и занїма ше зоз фотоґрафию, од 1993. року єден час є поставени за окончователя длужносци главного и одвичательного редактора новинох Руске слово. После пензионованя Юлин Каменїцки ше поцагнул з явного живота и преселєл ше до Зєдинєних Америцких Державох.

• 1961 — Народзел ше Михайло Зазуляк (*12. април 1961—†4. новембер 2017), новинар, ґлумец, режисер, рецитатор, автор текстох за дзецински нови композициї, за композициї у народним и забавним духу.

Умарли

• 1945 — Франклин Рузвелт, америцки политичар.

• 1954 — Петро Милославский, хороводитель, познаватель уметносци, композитор, учитель.

• 2016 -- Веруна Олеяр Ґрабельшек (*26. юний 1933-†12. април 2016), музична редакторка Радио Беоґрада, шпивачка.