11. януар
11. януар — 11. дзень у року по Григориянским календаре. До конца рока єст ище 354 днї (355 днї у преступним року).
Подїї
[ушориц | ушор жридло]- 1569 – У Анґлиї под патронатом кралїци Елизабети Першей у катедрали Святого Павла у Лондону першираз орґанизована лутрия.
- 1787 – Одкрити два Ураново мешаци Оберон и Титания. Одкрил их нємецко-британски астроном Вилиям Гершел (1738–1822), а сателити мена достали по кральови и кралїци русалкох зоз Шекспировей комедиї Сон лєтнєй ноци. Титания найвекши Уранов природни сателит, Оберон кус менши и найодалєнши є од матичней планети Урану.
- 1811 – Скупштина шицких народних старшинох у Сербиї основала у чаше Першого сербского повстаня перши попечительства – министерства. Министер просвити постал ректор Велькей школи у Беоґрадзе Доситей Обрадович.
- 1922 – У Торонту (Канада) лїкаре першираз похасновали инсулин за лїчєнє диябетесу. Штернацрочни Ленард Томпсон постал перши пациєнт хтори вилїчени зоз инсулином од цукровей хороти.
Умарли
[ушориц | ушор жридло]- 1994 року у Руским Керестуре умар Янко Олеяр (*10. януар 1928—†11. януар 1994), учитель, дїяч у култури, режисер и ґлумец–аматер. Анґажовани у орґанизациї вецей манифестацийох Дома култури у Р. Керестуре Червена ружа и Мемориял Петро Ризнич Дядя.