11. фебруар
11. фебруар — 42. дзень у року по Ґреґориянским календаре. До конца рока єст ище 323 днї (324 днї у преступним року).
Подїї
[ушориц | ушор жридло]- 1893 — Янош Чонка и Донат Банки патентировали карбуратор.
- 1945 — У Ялти закончена конференция вождох трох силох антигитлеровскей коалициї, на хторей совєтски лидер Йосиф Сталїн, предсидатель ЗАД Френклин Рузвелт и британски премиєр Винстон Черчил порадзели воєни плани за законченє Другей шветовей войни и одредзели нови одношеня у Европи и у швеце после войни. Троме лидере усвоєли резолуцию о „шлєбодней Европи” и порадзели ше о снованю Зєдинєних нацийох як общей медзинародней орґанизациї за мир и безпечносц у швеце.
- 2005 — Дзень безпечного интернету ше на инициятиву Европскей комисиї ґлобално означує з цильом промовованя безпечного и одвичательного хаснованя интернета и других диґиталних технолоґийох. Традицийно ше Дзень безпечного хаснованя интернету означує другого вовторку у фебруаре каждого року же би ше освидомело безпечнєйше и лєпше хаснованє интернету за шицких, а окреме за дзеци и младих. Дзень безпечнєйшого интернету порушани як инициятива проєкту ЕУ SafeBorders 2004, а Европска мрежа за дзвиганє свидомосци Insafe, го службено прилапела 2005. року.
Народзени
[ушориц | ушор жридло]- 1847 — Народзени америцки физичар, пренаходзач Томас Алва Едисон (Майлан, Огайо, 11. фебруар 1847 – Вест Ориндж, 18. октобер 1931), хтори реґистровал вецей як тисяч патенти, уключуюци склєняну грушку зоз угльову нїтку, фоноґраф, микрофон, меґафон, фонометер. Усовершел и телеґраф и акумулатор и значно злєпшал динамо машину, пренашол кинетоскоп и перши применєл целулоидну филмску пантлїку од 35 милиметри. Направел перши филмски ателє.
- 1918 — Инґмар Берґман, шведски филмски и театрални режисер, писатель и драматичар.
- 1923 — У Руским Керестуре народзени Йовґен Медєши (11. фебруар 1923 – 29. новембер 2008), учитель, спортски роботнїк, ґлумец и режисер-аматер.